Jaqynda OQO Aımaqtyq komýnıkasıalar qyzmetinde ótken baspasóz jıynynda QR Táýelsizdiginiń 25 jyldyǵynda Túlkibas aýdanynyń jetistikteri jaıly Túlkibas aýdanynyń ákimi Áýelhan Turǵymbekov málimdedi.  

Ońtústik Qazaqstan oblysy ákimdiginiń baspasóz qyzmetiniń málimetine súıensek, Túlkibas aýdanynda 1991-2016 jyldary áleýmettik máseleler oń sheshimin taýyp, aýdanda kásipkerlik salasy jyldan-jylǵa órkendep keledi. Máselen, memleket tarapynan berilip otyrǵan baǵdarlamalar arqyly aýdanda 1026 joba qarjylandyrylyp, belsendi jeke kásipkerler sany  2961 birlikti  quraǵan. 

 «Túlkibas aýdany tabıǵaty tamasha týrısik aımaqqa jatatyndyqtan aýdanǵa ınvestısıa tartý máselesinde jobanyń Túlkibastyń klımatyn buzbaıtyndaı qaýipsiz bolýyn qatań qadaǵalaımyz. Iaǵnı, bizdiń aýdanda ornalasyp, jumysyn bastaıtyn ónerkásip oryndary aýyl sharýashylyǵy ónimderin qaıta óńdeý, tereń óńdeý, mal bordaqylaý, etti óńdeý syndy zıansyz kásip túrlerimen aınalysatyn bolady», - dedi Á.Turǵymbekov.

Munan bólek, aýdannyń  jalpy óńirlik ónimi 2016 jyly 54 mlrd. teńge bolyp, 7,3 esege ósip, jan basyna shaqqanda 487,4 myń. teńgege jetken.  Aýdanda 1991-2016 jyldar aralyǵynda  barlyǵy 1619,5 ga jerge alma baý men júzimdikter egilip, 13,5 ga jerge jylyjaı salynǵan, 4474 ga jerge tamshylatyp sýǵarý ádisi engizilgen. Munyń kóbisi sońǵy jyldary engizilgen QR údemeli ındýstrıaldy-ınnovasıalyq «Agrobıznes – 2020» baǵdarlamasy aıasynda iske asty. «Agrobıznes-2020» baǵdarlamasynyń sharapatyn Túlkibas aýdany molynan kórdi. Osyǵan oraı aýdandaǵy ónim kólemi kúrt artqan.

Aýdannyń tabıǵı ereksheligine saı qarqyndy damyp kele jatqan týrızm jáne aýylsharýashylyǵy salasy jaıly tilge tıek etken aýdan basshysy búgingi tańdaǵy aýdandaǵy ózekti máseleler men aldaǵy atqarylatyn jumystar jaıly da óz oıyn ortaǵa saldy.

Aldaǵy ýaqytta Túlkibas aýdanynda  týrızm salasy men  alma jáne sút klasterin damytý  qolǵa almaq.

rgmedia.kz