Ońtústik Qazaqstan oblysynyń Elordasy – Astanadaǵy kúnderi aıasynda oblystyq ónerkásip óndirýshilerdiń kórmesi men aýyl sharýashylyǵy ónimderiniń jármeńkesi ótedi. Osyǵan oraı, óńirden Bas qalaǵa 300 tonnadan astam aýyl sharýashylyǵy ónimderi tıelgen kerýen jolǵa shyqty. Mereıtoıǵa tartý retinde ońtústikqazaqstandyq dıqandar óz ónimderin naryqtaǵy baǵadan 15-20 paıyzǵa arzan saýdalamaq.

Sonymen, jalpy kólemi 304 tonna bolatyn ónimderdiń quramynda 60 tonna et jáne et ónimderi, 126 tonna kókónis, 29 tonna jemis-jıdek, 7 tn sút ónimderi, 5 tn shubat, 25 myń dana jumyrtqa, 40 tn baqsha ónimderi, 7 tn balyq, 7 tn bal, 3 tn ósimdik maıy men 5 tn keptirilgen jemis 15 tn basqa da ónimder bar. 

 Aıta keteıik, eginshilikke jaıly Ońtsútik Qazaqstan oblysynda sońǵy jyldary Údemle ındýstráılyq-ınnovasıalyq damý baǵdarlamasyn júzege asyrýshy "" Agrobıznes -2020  baǵdarlamasy men qarjylandyrý kózi bolyp tabylatyn "Aýylsharýashylyǵyn qoldaý qory" arqyly jylyjaılar men egis alqaptary ulǵaıǵan. Memlekettiń qoldaýyn sezingen sharýalar kúzde eńbekteriniń jemisin kórip, mol ónim jınady. Sol ónimniń bir bóligi Bas qalaǵa attandy.  

Mundaǵy aýyl sharýashylyq ónimderiniń jalpy quny 100,8 mln.teńgeni quraıdy. Elordada «Han Shatyr» saýda-oıyn-saýyq ortalyǵy mańynda 15-16 qazan kúnderi ótetin aýyl sharýashylyǵy jármeńkesine 50-den astam Ońtústik óńirdiń taýar óndirýshileri  sapaly ári balǵyn ónimderin turǵyndarǵa usynbaq.