Aı mańdaı ketpeni kúnge jar­qyraǵan dıqannyń, erte kók­temnen ala jazdaı bir tynym tap­paı «kóktemniń bir kúni jyl­ǵa azyq» degendi óz basy­nan ót­­kergen sharýanyń eńbeginiń raha­tyn kóretin kezi qońyr kúz. Tólebıdiń  aýylsharýashylyq qyzmetkerleri bıylǵy jyldy jaqsy qorytyndylady.

Qaı ýaqytta bolmasyn, aýdan eńbekkerleri kúz aıynda egin jıyp-terip, maldyń azyǵyn jınap bolǵan sátte burynnan kele jatqan dástúr boıynsha, Tólebıdiń aýyl sharýashylyǵy eńbekkerleri «Altyn kúz» merekesin saltanatty túrde atap ótedi.

Osyǵan oraı, «Taý juldyzy» logıstıkalyq - saýda ortalyǵy aý­maǵynda aýyldyq okrýgterdiń uıymdastyrýymen kıiz úıler tigilip, aýdan turǵyndary men qonaqtarǵa dastarhan jaıyldy. Merekede aýyl sharýashylyq ónimderiniń jármeńkesi uıymdastyryldy.  Jármeńkede aýdannyń aýyl sharýashylyq eńbekkerleri óz ónimderin jurtshylyqqa usyndy. Barlyq taýarlar tómen baǵada satyldy.

Bıylǵy jyl aýyl sharýashylyq taýar óndirýshilerimizdiń eńbekteri joǵary baǵalanyp, oń nátıjeli ózgeristerge toly jyl bolyp otyr. Bizdiń aýdan negizinen aýyl sharýashylyq baǵytyn ustanady. Jyldan jylǵa egistik kólemi ulǵaıyp, mal sharýashylyǵyndaǵy jetistikterimiz artyp keledi.

Óz eńbekterimen joǵary kórsetkishterge ıe bolǵan aýdan eńbekkerleri marapattaldy. Máselen, aýyl shaýrashylyǵynda sińirgen eńbegi úshin Ońtústik Qazaqstan oblystyq máslıhatynyń gramotasymen Álibekov Pskentaly,  Espolov  Jaılaýhan marapattaldy.

Aýyl sharýashylyǵy salasyna joǵarǵy kórsetkishterge qol jetkizgeni úshin aýdan ákiminiń alǵys hatymen Tórebekov Polat,  Dúısebaev Meıirjan, Qadyrbekov Esimhan marapattaldy.

Ońtústik Qazaqstan oblysy agroónerkásiptik kesheni eńbekkerleri kásipodaǵy Keńesiniń «EŃBEK DAŃQY» belgisimen  Jumabaev Maqsat,  Serikbaı Boranbek  marapattalady.

9 aıdyń qorytyndysy boıynsha egilgen astyq kólemi 20613 ga jetip, túsimi gektaryna 27 sentner, dándi daqyl 10886 ga jetip,  túsimi gektaryna 10,5 sentner boldy. Mal jáne qus eti – 9221 tonnaǵa, sút -  43305 tonnaǵa, al qymyz óndirý -480 tonnaǵa jetti. Osy jetistikterge jetýge óz úlesterin qosqan qymyz  baǵytynda jáne aýyl sharýashylyǵy ónimderin óńdeýmen Orazymbetova Ulbosyn  9 aıda 41640 lıtr qymyz óndirip,   Kortaev Turar -  32500 lıtr,  Abýov Úsen - 40000 lıtr jáne Abdraımov Ońǵar  40500 lıtr qymyz óndirip aýdan ákiminiń  marapatyna ıe boldy.

Mereke konserttik baǵdarlama men sporttyq oıyndarmen  jalǵasty.

Jasóspirimder arasynda qazaqsha kúresten  80 kg deıingi salmaqta  ótkizgen jarysta, Lenger qalasynyń turǵyny Abdýaqas Ilás túıe palýan ataǵyn jeńip aldy. 80 kg salmaqtan joǵary  palýandar arasynda ógiz kóterýden baq synasyp, 15 ret ógiz kótergen Bekbosynov Erbulan Qaratóbe aýlynyń týmasy, bir qoıdy  qanjyǵasyna baılap ketti.