Úndistan, Úndi Qytaı, Ońtústik Qytaıda ósiriletin sıtrýsty jemis ózimizdiń Ońtústik Qazaqstan oblysynyń Tólebı aýdanyna da keldi. Alǵashynda júreksinip júrgender,  táýekelge baryp, jylyjaılarda synaq retinde ósire bastady.

Lımon baptaýdyń tásilderin meńgergen Kım Iýrıı Alekseevıch  Kóksaıek eldi mekeninde 0,07 ga  jylyjaıda lımon ósirýdi qolǵa alǵan. Jylyjaıda 400-ge jýyq lımon kósheti otyrǵyzylǵan. Kásipkerdiń úmiti aqtalyp, nátıje shyǵa bastaǵan soń, ony kásipke aınaldyrý kózdeldi. Úsh jyl buryn egilgen kóshetter baby kelisken bolý kerek, bıyl-aq alǵashqy nyshandaryn kórsete bastady. Kásipker Iýrıı Alekseevıch  óz qarajatyna salǵan bul lımonarııge asqan tózimdilik qajet ekenin aıtty. Osyǵan qarap, basqa banan, kıvı sıaqty tropıkalyq jemisterdi esh qoryqpastan jylyjaılarda ósirýge bolatyn sıaqty.

Bıiktigi 3-6 metrge jetetin bul ósimdiktiń úıde ósiriletini 2 metrge deıin jetedi. 60 jyl jasaıtyn lımon aǵashy úı jaǵdaıynda 40 jyl ómir súredi. Uryǵyn ósirse, 40 kúnnen keıin kórine bastaıdy. Alǵashqy jemisin 6-10 jylda beredi, baıaý ósedi. 

Aıta keteıik, Ońtústik Qazaqstan oblysynyń taǵy aýdany Túlkibasta alma ósirilýde. Arys qalasy ákimdiginiń baspasóz qyzmetiniń habarlaýynsha, Arys qalasyna qarasty Aqdala aýyldyq okrýginde alma terý naýqany qyzý júrip jatyr. «Agrobıznes 2020» baǵdarlamasy aıasynda memlekettken qoldaý taýyp, «Agrofırma jańa Aqdala» jaýapkershiligi shekteýli seriktestiginiń 17 0ga jerge golandıalyq jáne «semeránka» alma aǵashtarynyń 2 surpy otyrǵyzylǵan.