Ońtústik Qazaqstan oblysy, Arys qalasynyń ákimi M.Qadyrbektiń Qazaqstan Respýblıkasy Táýelsizdiginiń 25 jyldyǵyna bekitken is-shara josparyna sáıkes búgin, Arys qalasynyń «Jastar resýrstyq ortalyǵy» KMM jáne «Kásipkerlik bólimi» MM-niń uıymdastyrýymen qalamyzdaǵy «Aqnıet», «Baq-Nur», «Juldyz», «Tátti ertegi» saýda ortalyqtary men «Taıma», «Europharma» dárihanalarynda otandyq ónimderge arnalǵan sórelerge «Qazaqstanda jasalǵan» afıshalary ilinip, elimizde shyǵarylatyn taýarlar ornalastyryldy. Bul týraly Ońtústik Qazaqstan oblysy, Arys qalasy ákimdiginiń baspasóz qyzmeti habarlady.

Otandyq ónim óndiretin kásiporyndardy qoldaý maqsatynda uıymdastyrylǵan sharada óz ónimimizge turǵyndar da qoldaý bildirýde.  Qazaqstanda óndirilgen azyq-túlikter men turmystyq zattardy satyp alyp, belsendilik tanytýda.

Otandyq taýarlardyń básekelesterden artyqshylyǵy onyń baǵasynda ǵana emes sapasynda. Tikeleı óndirýshilerden  taýarlar tutynýshylarǵa merziminde jetkiziledi. Saýda ortalyqtarynda «Qazaqstanda jasalǵan» degen belgimen jumyrtqa, taýyq eti, et, sút ónimderi, ár túrli shyryndar men gazdy sýsyndar, kondıterlik ónimderde keń suranysqa ıe bolýda.

Memleket tarapynan jasalyp otyrǵan mundaı qoldaý aldaǵy ýaqytta básekege qabiletti otandyq óndirýshilerdiń álemdik ekonomıkadaǵy jańasha qadamdaryn aıshyqtaı túsedi.

«Qazaqstanda jasalǵan» aksıasyn nasıhattaý sharalary aldaǵy ýaqytta da jalǵasyn tabatyn bolady.

 Arys qalasy ákimdiginiń baspasóz qyzmeti