QR Májilisiniń depýtattary men keıbir ulttyq kompanıalar jańa jyldyq korporatıvtik keshterdi ótkizýden bas tartqan. Tengrinews.kz habarlaǵandaı,

"Bizde eshqandaı korporatıvter josparlanbaǵan. Biz qatań jumys kestesi boıynsha isteımiz jáne qazir parlament saıtynan kórýge bolady. Jańa jylda bizde de tórt kúndik demalys bolady, al 4 qańtarda reglament boıynsha biz aımaqtarǵa saparlaımyz. Aımaqtarda, shalǵaı aýdandarda jumys isteımiz, halyqpen kezdesý ótkizemiz. Parlamentte qydyryp ketetin demalystar da bolmaıdy, bul jaqsy ma, jaman ba - ózderińiz sheshersizder", -  dep málimdegen QR Májilisiniń depýtaty Pavel Kazansev.

Májilisimen Irına Aronova da depýtattardyń Jańa jyl qarsańynda eshqandaı korporatıvti keshter uıymdastyrmaıtynyn rastap, bul otbasylyq meıram jáne oshaq qasynda atalyp ótetinin aıtty. 

"Biz jańa jyldyq korporatıvter ótkizbeımiz, biraq kompanıa jyl saıyn Almatynyń Túrksib aýdanyndaǵy kemtar jáne jaǵdaıy tómen otbasyndaǵy balalarǵa syılyqtar beredi", - deıdi bul másele boıynsha Air Astana áýe kompanıasynyń ókilderi.

"Samuryq-Qazyna" kompanıasynda da, búdjet esebinen korporatıvti merekelik keshter uıymdastyrylmaıtynyn, degenmen, qyzmetkerlerdiń óz qaltasynan merekelik sharalar uıymdastyrýy da sógiske jatpaıtynyn aıtty.