Ońtústik Qazaqstan oblysynyń ákimi Janseıit Túımebaev is-sharada jaýrap turǵan qyzdardy kórip, jany ashyp ketti dep habarlaıdy nur.kz.

Janseıit Túımebaev Ońtústik Qazaqstan oblysyna qarasty Arys qalasyndaǵy jańa dendrosaıabaqtyń lentasyn qıdy. Demalys ornynyń ashylý saltanatyna jınalǵan qatysýshylardyń kúnniń sýyǵynda jeńil kóılekpen jaýrap turǵan qyzdardy nazaryna alǵan Túımebaevqa sharany uıymdastyrýshylar jaqpaı qaldy.

Kez kelgen ulttyq kıimniń jazdyq jáne qystyq túri bolatynyn eske salǵan aımaq basshysy bul áreketti asyra silteýshilik dep, konserttik baǵdarlamany toqtatyp tastady.

 "Aǵaıyndar-týǵandar, kez kelgen ult jazda jazdyq, qysta qystyq kıimmen shyǵady. Sizderdiń kıgenderińiz jazdyq kıimder. Qyzdarymyz búrisip tur. Bundaı asyra silteý bolmasyn. Barlyqtaryńyzǵa amandyq tileımin", - degen oblys ákimi dendrosaıabaqta aǵash otyrǵyzdy.

Aıta keteıik, lentasy qıylǵan dendrosaıabaqtyń qurylysy ótken jyldyń tamyz aıynda bastalyp, týra bir jyl ishinde qurylys jumystary aıaqtalǵan. Alaıda kópshilik serýendeýge arnalǵan oryn qystyń qaqaǵan sýyǵynda paıdalanýǵa berildi.