Olımpıada chempıonynyń dopıng daýyna qalǵany barlyǵyna aýyr soqqy bolyp tıgenin aıtty Mádenıet jáne sport vıse-mınıstri Sáken Musaıbekov. «Men onyń Beıjińdegi ónerin tamashaladym,  olımpıadalyq rekord jasaǵanyn Londonǵa baryp kórdim. Adam retinde, sportqa jaýapty mınıstrliktiń qyzmetkeri retinde óte aýyr. Mınıstr Muhamedıulyna da aýyr soqqy bolyp otyr», - dedi vıse-mınıstr. Mundaı pikirdi Mádenıet jáne sport vıse-mınıstri Sáken Musaıbekov bildirgen. Onyń aıtýynsha Ilá Ilınniń aǵzasyna tyıym salynǵan preparattar sporshylarǵa arnalǵan taǵamdardan jáne taǵam qospalarynan túsýi múmkin. 

Aıta keter bolsaq, atalǵan jaıttyń mınıstr Arystanbek Muhamedıulyna qatty soqqyp bolyp tıetin jóni bar. 2014 jyly QR Mádenıet jáne sport mınıstri Arystanbek Muhamedıuly Almatyda Aýyr atletıkadan ótken álem chempıonatynda Ánuran shyrqalyp turǵan kezinde Ilınge telefon tasyp kúlkige qalǵan edi. Keıin ony ziltemirshiniń jeńisine qatty qýanǵanymen túsindirgen bolatyn. 

«Sizderdi Ilá Ilın barynsha tolǵandyryp otyr. Biraq, bizde dopıngten zardap shekken sportshylar kóp. Olar dopıngtiń bolǵandyǵyn aıtqan emes. Ózderińiz de biletindeı, 2008 jyly kóptegen sportshy zardap shekti. Sol jyly synama tapsyrǵannan keıin bizdiń sportshylar taza bolǵan edi. Londonda da tapsyrǵan synamalary taza boldy. Biraq, 2013 jyly qandaǵy, sportshynyń aǵzasyndaǵy tyıym salynǵan preparattardy anyqtaýdyń jańa ádistemesi shyqty. Ókinishke oraı, qalaı túskenin bilmeımin. Degenmen, sportshylarǵa arnalǵan taǵamdar men taǵam qospalaryna kúdigim bar. Sol ýaqytta anyqtaı almaǵan edi. Alaıda, jańa tehnologıa, zertteýdiń jańa ádistemesi bul preparattardyń sportshylarda bar ekendigin kórsetip otyr», - degen Musaıbekov BAQ ókilderiniń saýalyna.