Elbasy Nursultan Nazarbaev Astana qalasyn ózgertýge qatysty pikir bildirdi, - dep habarlaıdy Qamshy.kz Aqordanyń baspasóz qyzmetine silteme jasap.

Prezıdent N. Nazarbaev Jańǵyrtý jónindegi Ulttyq komısıa otyrysynda Parlament depýtattarynyń Astana ataýyn ózgertý týraly bastamasyna pikir bildirdi.

«Qaı nárse bolsa soǵan «Nur» degen sózdi qosady. Ol meniń tulǵammen baılanysty bolyp shyǵady. Ony men talaı aıtqanmyn. Anaǵan da, mynaǵan da alyp keledi de Parlament astanany meniń atymmen ataý týraly boljam aıtypty. Men eshkimge ondaı usynys aıtqan joqpyn», - degen Elbasy Táýelsizdik jyldaryndaǵy el jetistikteri jalǵyz óziniń eńbegi emes ekendigin, senimdi serikteriniń kúsh biriktirýi nátıjesinde qol jetkizilgenin atap ótti.

«Bul máseleniń syrtqy bóligi. Naqty nátıjelermen, máseleniń ishki bóligimen aınalysý kerek», - degen N. Nazarbaev bul máselede salmaqty, elge paıdaly sheshim qabyldanatynyn aıtty.