Aýǵanstanda ótken prezıdent saılaýy aldynda tálipter "saılaýǵa qatyssańdar, jazalaımyz!", - dep el azamattaryna qoqan-loqqy kórsetkeni bar.
Soǵan qaramastan, kóptegen aýǵandyq saılaýǵa qatysyp, suq saýsaǵyn sıaǵa malyp rastap, óz daýysyn bergen. Endi tálipter solardyń saýsaqtaryn kesip tastap jatyr eken.
EVRONÚS-ta sol zardap shekken bir azamat: "Jazalaý qaýpi bolsa da, saılaýǵa qatystym. Bizge zańdy bılik kerek!", - dep jatyr.
Mine, naǵyz azamattyq pozısıa degen osy!
Bizdegi dıvanda otyryp ap, opozısıany synaýdy unatatyn, al is júzinde saılaýda daýys berýge, sol daýysyn qadaǵalaýǵa erinetin biraz adamǵa úlgi dep oılaımyn.
-Ámirjan Qosanovtyń "Facebook" áleýmettik jelidegi paraqshasynan.
