Mońǵolıadaǵy qandastarymyz arasynan shyqqan tanymal saıasatker, daryndy ekonomıs Tileıhan Álmálikuly Mońǵolıa Respýblıkasy Premer-mınıstri J.Erdenebattyń jarlyǵymen Energetıka komıtetiniń Tóraǵasy bolyp taǵaıyndaldy. Bundaı qýanyshty jańalyqty Baq.kz habarlady.
Tileıhan Álmálikuly 1955 jyly Baıan-Ólgıı aımaǵynda týylǵan. 1976 jyly Mońǵolıa Memlekettik Ýnıversıtetin Óndiristik jylýmen qamtamasyz etý ınjeneri mamandyǵy, 1989 jyly Ekonomıkalyq keshki ýnıversıtet Óndiristik ekonomıs boıynsha támamdaǵan. Tileıhan Álmálikuly Mońǵolıa parlamentine eki ret saılanǵan depýtat.
2008-2012 jyldary Mońǵolıa Parlamentiniń Áleýmettik saıasat, bilim, mádenıet, ǵylym máseleleri boıynsha turaqty komıtetiniń bastyǵy boldy. 1991 jyly Halyq Revolúsıalyq 70 jyldyq medali, 1993 jyly Energetıka salasynyń ozat qyzmetkeri, 2001 jyly Halyq Revolúsıasynyń 80 jyldyq medali, 2005 jyly Eńbek Qyzyl tý ordenimen marapattalǵan. 2014 jyly Mońǵolıanyń Ónerkásip salasynyń qaıratkeri ataǵyn alǵan.
Aıta ketsek, Monǵolıadaǵy qandastarymyz arasynan joǵary bılikke aralasqandar kóp.
Buǵan deıin Depýtat bolǵan qazaqtar 1992 jyl - Bolat Ajiqanuly, Sultan Táýkeıuly, Volodá Qambaruly 1996 jyl - Sandalhan Razdaquly, Bolat Ajiqanuly, Sultan Táýkeıuly 2000 jyl - Sandalhan Razdaquly, Jekeı Qalıdoldauly, Nıgamet Onǵyshuly 2004 jyl - Murat Áýketaıuly, Saıran Qadyruly, Bákeı Aǵyparuly 2008 jyl - Tileıhan Álmálikuly, Bádelhan Qabdislámuly, Jekeı Qalıdoldauly
