«Qazaqfılm» AQ men «Batys Qytaı fılm» korporasıasy birlesip, «Mahabbat ótkelderi» atty romantıkalyq komedıa janrynda fılm túsirmek, dep habarlady QazAqpart. Bul týraly 23 qarasha kúni Qytaıdyń Sıan qalasynda ótken Qazaqstan-Qytaı BAQ ókilderiniń forýmynda «Batys Qytaı fılm» stýdıasynyń bas menedjeri Jaý Ventaý málim etken.
Qytaılyq news.sina.com saıtynyń habarlaýynsha, forýmda Jaý Ventaý úshinshi halyqaralyq "Jibek joly" kınofestıvali aıasynda Sháken Aımanov atyndaǵy "Qazaqfılm" AQ men "Batys Qytaı kınosy" korporasıasy seriktestik týraly memorandýmǵa qol qoıylǵandyǵyn aıtty. Sondaı-aq ol memorandýmnyń eki eldiń mádenıet, kıno, televıdenıe salasyndaǵy yntymaqtastyǵyna oń ózgerister ákelgendigin aıta kelip, taraptardyń alǵashqy birlesken jobasy «Mahabbat ótkelderi» fılmin túsiretindigin aıtqan. Qytaıǵa tıgen qazaqstandyq qyz, fılmniń senarısi ári bas keıipkerdiń prototıpi Sofıa Ushyrovanyń aıtýynsha, týyndy, romantıkalyq komedıa janryndaǵy fılm bolmaq. Onda, qazaqstandyq zańger qyzben qytaılyq kasipker jigit arasyndaǵy mahabbat hıkaıasy baıandalady.
