VII Azamattyq forým aıasynda áleýmettik ıdeıalar men jobalardyń jármeńkesi ótti. Baıqaý áleýmettik máselelerdi sheshýde ınovasıalyq ádisterdiń rólin anyqtaýǵa baǵyttalǵan.
Atalǵan jármeńke aǵymdaǵy jyly 15 qazan men 15 qarasha aralyǵynda Qazaqstan Azamattyq alánsy resmı saıtynda (www.gakaz.kz) onlaın rejımde ótti. Úzdik áleýmettik ıdeıa-joba avtoryna 1 mln teńge tapsyryldy. 
Sonymen qatar, forým aıasynda «Tanym» respýblıkalyq baıqaýynyń jeńimpazdaryn marapattaý sharasy ótkizildi. 2016 jyldyń 10 qazan men 15 qarasha aralyǵynda onlaın rejımde ótken shara úkimettik emes uıym ókilderiniń jetistikterin qalyń kópshilikke tanytýǵa baǵyttalǵan bolatyn.
Baıqaý jeńimpazdary onlaın daýys berý jolymen anyqtaldy. 14 nomınasıa boıynsha saltanatty marapattaý rásimi Forým aıasynda ótti. Baıqaý laýreattary arnaıy dıplom men estelik syılyqtarmen marapattaldy.