Elbasy «Rossıa 24» telearnasyna bergen suhbatynda Astananyń ataýyn ózgertý usynysyna qatysty núkte qoıar pikirin aıtty. Bul týraly «Qamshy» portaly Aqordaǵa silteme jasap habarlaıdy.
«Astana - bul brend. Astananyń ataýyn ózgertýdiń esh qajeti joq», - dedi prezıdent suhbat barysynda.
Memleket basshysy Qazaqstan elordasynyń rebrendıngi, respýblıkada jastardyń bilim deńgeıin arttyrý, bilim berý úrdisindegi úshtildiliktiń mańyzdylyǵy jónindegi máselelerge de toqtaldy.
Budan bólek, Qazaqstan prezıdenti Ortalyq Azıadaǵy terorızm men ekstremızmdi boldyrmaýǵa qatysty UQSHU-ǵa múshe elderdiń ortaq ustanymynyń ózektiligin atap ótti.
Aıta keter bolsaq, Májilis depýtaty Qýanysh Sultanov Elbasynyń esimin elordanyń jáne elimizdiń basqa da nysandaryna berý kerek degen oıdy usynyp, aıdy aspanǵa biraq shyǵarǵan bolatyn.
