Óńir basshysy B.Atamqulov Maqtaaral aýdanyna jumys saparymen baryp, ondaǵy maqta teriminiń barysymen tanysty.
Sonymen qatar, oblys ákimi «Aq kerýen —2016» merekelik sharasyna qatysyp, dıqandarmen júzdesti. Kezdesý barysynda ónimniń túsimi men sapasy jáne maqta sharýashylyǵyndaǵy ózekti máseleler talqylandy. Atap aıtqanda, maqta ónerkásibiniń damýy, jańa tehnologıalardyń tıimdiligi, ekonomıkaǵa qosar úlesi men bolashaq qarqyny jáne t.b. máseleler.
Jerdi óńdeýdiń jańa ári tıimdi tásilin qoldanýdyń arqasynda Maqtaaraldaǵy 83 myń gektardan astam jerge sebilgen shıtti maqtadan gektaryna 19,6 sentnerden ónim alynýda. Maqta óte názik, kirpıaz ósimdik. Jaýy kóp. Qurttar men túrli zıanketerdiń aldyn alyp otyrmasa, mezgilinde sý ishpese, agrotehnıkalyq talaptar oryndalmasa ónim bermeı qalatyn sátteri bar. Lıverpýl maqta bırjasyndaǵy baǵaǵa táýeldiligi de sharýalardyń qaltasyna áser etedi.Búginde aýdandaǵy maqta qabyldaý beketterine 34 myń tonnadan astam «aq altyn» kelip túsken. Maqtaaraldyq dıqandar bıyl 200 myń tonna aq ulpa terip alýdy josparlap otyr. Dıqandar búgingi tańda maqtanyń kelisin 170 teńgeden ótkizýde.
Maqtaly aımaqta bolǵan oblys ákimi sonymen qatar sút óńdeý sehy men maı shyǵarý sehynda bolyp, maqta shıkizatyn óńdeý prosesimen tanysty.
http://okg.kz/
