Almaty arnasyndaǵy «Ótkir til» baǵdarlamasyna qonaq bolǵan azýly aqyn Rınat Zaıytov ózine «uıǵyr» dep shettetkisi keletinderge adýyndy jaýap berdi.
13 qarashada efırden kórsetilgen sanynda, Baǵdarlama júrgizýshisi Nartaı Aralbaıuly:
«Ózińizdiń túp naǵashylaryńyz uıǵyr ultynan ekenin, olardyń Qytaıda turatynyn jasyrmaı aıtyp júrsiz. Atyńyz Rınat, ákeńizdiń esimi Refhat, soıyńyz Zaıyt bolǵan soń, «Rınat Qazaq pa eken, joq pa eken?» dep kúdik keltirip jatatyndar bar. Jaqsy.kz-de bir maqala shyǵypty. Órken Kenjebek Erjan Ábdiraman deıtin azamatqa bylaı dep jazypty: «Uıǵyr ógeı balamyz ba? Nege qazaq uıǵyrǵa qyryn qaraıdy? Rınat Zaıytovtyń uranynda ne shıkilik bar?» dep ańdatpa jazypty. Bunyń ne syry bar?», - dep suraq qoıady baǵdarlama qonaǵyna.
«Men áý bastan jeti atamnan Qazaqtyń tárbıesimen, Qazaq bolyp ósken adammyn. Esenqul Jaqypbekov jaryqtyqtyń sheshesi orys boldy. Biraq, qashan ol sahnaǵa shyǵyp qazaq pen orys tatý bolsyn dedi. Kindikten qaı ulttan tarady, sol ultqa qyzmet etýge barlyǵy mindetti. Bul birinshiden. Ekinshiden, Qazaqstanda turyp jatqan uıǵyrlardy biraz zerttedim. Olardyń ózi eki topqa bólinedi. Qazaqılanǵany bar, basqasy bar. Ákemniń sheshesi 1958 jyly sol Qytaıda qalyp qoıǵan adam. Ákem tórt jasynda bolǵanda. Men ol kisini 2006 jyly bir ret kórdim Qytaıǵa barǵanymda. Basqa hat-habarym da joq. Bólek januıasy bar, ákem habarlasyp turady. Basqa týystar aralasady.
Ol urannyń artynda eshqandaı shıkilik joq. Mynany túsinip alýyn suraımyn: Jańaǵy Órken Kenjebek degen óte aqyldy adamdar kóp. Bulardyń artynda kimder turǵanyn, bular ne úshin ol áńgimeni aıtyp otyrǵanyn da jaqsy bilemin. Ony aıtatyn bolsa taǵy da qazaq ekige bólinedi. Ol shýdyń arasynda kim qalady, taǵy da Rınat Zaıytov qalady. Órken Kenjebek bolsyn, Jelken Kenjebek bolsyn túgeline bir-aq aýyz sóz aıtam. Men Qazaqstannyń balasy emespin. Men Qazaqtyń balasymyn! Osy ekeýin ajyratyp alsyn, óıtkeni men Qazaq ultyna, qazaq ultynyń bolashaǵyna tyrnaqtaı úles qosa alsam meniń jer betindegi mısıam aıaqtaldy dep esepteı berýge bolady. Soǵan qansha qajyrym jetedi, men soǵan qyzmet etýge barymdy salamyn.
Alyp qashpa áńgimeler kóp. Kóp estımin. Jaqsy adamnyń artynan sóz eredi. It úredi, kósh júredi», - dep jaýap berdi Aıtystyń oraq tildi aqyny «Ótkir til» baǵdarlamasynyń suraǵyna.
