Talaıǵa tańdaı qaqtyryp, 7 jasynan óleń jazyp, Qazaqstannyń rekordtar kitabyna engen jas aqyn Jambyldy bilmeıtin jandar kemde-kem. Óleńderin oqyp tanysqan jurttyń keıbiri tańǵalsa, keıbiri til-kózden aman bolsyn dep ishteı súısinedi. Onyń esimi 2010 jyldary elimizde tanyla bastady. Oǵan elge belgili óner adamdarynyń barlyǵy batasyn berdi. Sol bala Jambyl otaý ıesi jasqa kelip, qalyńdyq aıttyryp jatyr eken. Bul týraly Instagram jelisinde habarlandy.
«Ata-baba dástúri boıynsha 13 jasta otaý ıesi bolý maqsatynda halqymyzdyń salt dástúri men ádet-ǵuryppen bolashaq kelinge syrǵa saldy. 30 qarashada ótetin keshinde Jambyldyń kelin balaǵa arnalǵan «Móldir monshaq» áni oryndalady», delingen habarlamada.
