Esepti kezeńde oblysta múıizdi iri qaranyń sany 778,4 myń, qoı men eshki 3623 myń, jylqy 207 myń, túıe 21,9 myń, qus 2484,8 myńdy qurap, ótken jylmen salystyrǵanda ortasha 5%-ǵa azaıǵan. Degenmen, et ónimi 5,1%-ǵa artyp, 202,4 myń tonnaǵa, sút 1,5%-ǵa artyp, 703,1 myń tonnaǵa jetken, jumyrtqa 5,7%-ǵa artyp, 293,8 mln. dana óndirildi.
«Sybaǵa» baǵdarlamasymen 22,5 myń analyq (onyń ishinde qarjy ınstıtýttary arqyly 6819 analyq İQM, respýblıkadaǵy úles 12%) satyp alynyp, tapsyrma 1,3 esege artyq oryndaldy. Tuqymdyq túrlendirýge 57,4 myń analyq İQM qatysýda, jalpy analyq basqa shaqqandaǵy úlesi 21,1%-ǵa jetti (respýblıka boıynsha - 24,6%).
«Altyn asyq» baǵdarlamasy boıynsha 45,5 myń usaq mal alynyp, tapsyrma 2,3 esege artyq oryndaldy. Onyń ishinde qarjy uıymdary arqyly 22,1 myń usaq mal alynyp, oblystyń respýblıkadaǵy úlesi 16,8%-dy qurady.
«Qulan» baǵdarlamasy aıasynda 4341 jylqy alyndy, tapsyrma 62% artyǵymen oryndaldy. Onyń ishinde qarjy uıymdary arqyly 3,2 myń bas alynyp, oblystyń respýblıkadaǵy úlesi 9,8%-dy qurady.
Óńirlik mal sharýashylyǵyn damytýdyń 2014-2016 jyldarǵa arnalǵan is-sharasy aıasynda ótken jyly jalpy 2289 jobaǵa 5,6 mlrd. teńge (onyń ishinde mal bordaqylaý alańdaryna 2077 jobaǵa 4,9 mlrd. teńge; 5-10 bastyq otbasylyq sút fermalaryna 205 jobaǵa 523,0 mln. teńge; sút qabyldaý beketterine 1 jobaǵa 38,8 mln. teńge; selolyq tutyný kooperasıasyna 6 jobaǵa 135,2 mln. teńge) nesıe qarjy berildi (2014 j. 5,9 mlrd. teńge 2166 joba qarjylandyryldy).Bıylǵy jyly da bul sharalar óz jalǵasyn taýyp jemisti nátıjeler kórsetýde.
Sonymen qatar, óz qarjysy esebinen qosa alǵanda 3108 mal bordaqylaý alańy, 609 shaǵyn otbasylyq sút aýlasy, 28 shaǵyn qus fermasy, 47 sút qabyldaý beketi, 8 STK ashyldy.
