El táýelsizdiginiń 25 jyldyǵyna oraı Aqtóbede oblys basshysy Berdibek Saparbaevtyń bastamasymen qaıyrymdylyq aksıasy óz jalǵasyn tabýda. Aımaqta 21 qarashaǵa deıin shamamen 1 000 ata-anasyz qalǵan, múmkindigi shekteýli men turmystyq deńgeıi tómen otbasylardan shyqqan balalarǵa 50 mıllıon teńge kóleminde kómek kórsetildi. Bul týraly Aqtóbe oblysy ákiminiń baspasóz qyzmetinen habarlandy, dep jazdy QazAqparat.

Úlken kólemdi qaıyrymdylyq aksıasyna tanymal ánshi Qaırat Nurtas ta óz úlesin qosty. Ol jýyrda ǵana Aqtóbege óziniń jeke konsertin berý úshin kelgen bolatyn. Ánshi konsertten túsken bar qarajatty Aqtóbede turatyn jetim balalarǵa aýdarýdy uıǵarǵan. Qaıyrymdylyq konsertine qatysqan Berdibek Saparbaev ıgi iske úlesin qosyp, belsendilik tanytqan ánshige alǵys aıtty. Oblys basshysy mańyzdy áleýmettik jobany júzege asyrý jumystarynyń ári qaraı da jalǵasyn tabatynyn atap ótti.

Aıta keteıik, budan eki kún buryn «Aǵaıyndy Júginisovter» toby qaıyrymdylyq konsertin berip, odan túsken qarajatty aýyr naýqasqa shaldyqqan Valerıa Bırzýl esimdi búldirshinge aýdarǵan bolatyn.