Sozaq aýdany ejelden-aq mal sharýashylyǵyna qolaıly aımaq. İri qarany ósirý jaǵynan kezinde jetistikterge qol jetkizgen, turǵyndary qoı, jylqy, túıe baǵýǵa kelgende aldyna jan salmaıdy. Tarıhı aýdannyń qazirgi hali qalaı? Ásirese, aýyl sharýashyǵy búginde nendeı kórsetkishterimen maqtana alady desek, aldymen kózge túskeni – mal sanynyń jyldan-jylǵa artyp kele jatqany. Memlekettiń aýyl halqyna óz sharýashylyǵyn bastap, damytýǵa qomaqty kómek kórsetetini belgili.  Sonyń ishinde «Sybaǵa» baǵdarlamasy aýyl adamdaryna úlken kómek boldy. 2011 jyldan bastaý alǵan bul baǵdarlama  - asyl tuqymdy jas maldy qalpyna keltirý maqsatynda 1 mln. teńgeden 18 mln. teńgege deıin 7 jyl merzi­minde jyldyq 6% syıaqy mólsherinde qaryz beriledi. Bul kúnde atalǵan baǵdarlama Sozaq aýdanynda oıdaǵydaı júzege asyrylǵan. Muny aýdandyq aýyl sharýashylyǵy jáne jer qatynastary bóliminiń basshysy Áýbákir Sahıuly jergilikti BAQ ókilderine bergen suhbatynda habarlady. Máselen, 2016 jyldyń sońyna deıin «Sybaǵa» baǵdarlamasy boıynsha 1500 bas múıizdi iri qara malyn asyldandyrý kózdelse, jyl basynan beri jeti aıda asyldandyrylǵan iri qara basy 1538-ge jetip, meje 102 paıyzǵa oryndalyp otyr. Sol sıaqty, «Altyn asyq» baǵdarlamasynyń tapsyrmasy boıynsha 2000 basqa jetkizý jospary, 230 basqa artyq shyǵyp, 111% oryndaldy. Al, memlekettik «Qulan» baǵdarlamasy 300 bas bolyp bekitilse, qazirgi tańda paıyzdyq meje 101% qurap otyr. Bir jylǵa mejelengen jospardy jeti aıda oryndap úlgergen Teriskeıdiń aýyl sharýashylyǵy mamandary jumystar munymen toqtamaıdy deıdi. Mal basyn asyldandyramen dep nıet etken sharýalarmen jumystar odan ári júrgizile bermek.
 

Qaryz alýshylarǵa tóleý qabiletiniń bolýy jáne qarjylyq turaqtylyq, óti­nish bergen kúnniń aldyndaǵy sońǵy 3 (úsh) aıda salyq jáne búdjetke tólenetin basqa da tólemder boıynsha merzimi ótken beresheginiń bolmaýy, sońǵy esepti kúnge (ótinish beretin aıda) EDB jáne basqa da qarjy ınstıtýttary aldynda merzimi ótken beresheginiń bolmaýy, jaǵymsyz nesıelik tarıhynyń bolmaýy, maldy ustaý úshin qajetti ınfraqurylymnyń bolýy sıaqty jáne basqa da talaptar qoıylady.  Óz bıznesin bastaý nemese damytý maqsatynda «Sybaǵa» baǵdarlamasy aıasynda nesıe alýǵa ótinishpen keletin jeke azamattar men sharýa qojalyqtary az emes. 

http://oko-13.kz/