Ońtústik Qazaqstan oblysy Otyrar aýdanynda Qazaqstan Respýblıkasy Táýelsizdiginiń 25 jyldyq merekesi aıasynda aýyl sharýashylyǵy qyzmetkerleriniń jyl qorytyndysy boıynsha «Altyn kúz-2016» merekesi atalyp ótildi, dep habarlaıdy Otyrar aýdany ákimdiginiń baspasóz qyzmeti.  Jyl boıy aptap ystyqta júgeri men baqsha ónimderin baptap ósirgen dıhandar men mal basyn kóbeıtýge orasan úles qosyp júrgen sharýalar Syrdyń arǵy beti men bergi betinen kelip, qaýyshyp jatty. Ortalyq alań merekege saı bezendirilgen. Aýyl sharýashylyǵy ozattaryn Otyrar aýdanynyń ákimi Erlan Aıtahanov quttyqtady. «Bıylǵy jyl aýdanymyzdyń aýyl sharýashylyǵy salasy úshin jemisti jyl boldy dep aıtsaq qatelespeımiz. Jyl basynda 24338 ga jerge túren salynsa, 5400 ga alqapqa Otyrardyń brendine aınalǵan júgeri daqyldary egildi. 9 aıdyń qorytyndysy boıynsha 9 mlrd. 248 mln teńgeniń ónimderi óndirilip, 102,3 paıyzdy qurady. Sonymen qatar, aýdan «Altyn asyq» baǵdarlamasy boıynsha 107%, «Qulan» baǵdarlamasy boıynsha 105 %, «Sybaǵa» baǵdarlamalarynyń oryndalýy boıynsha 150,5%-dy qurap, oblysta aldyńǵy qatardan kórindi», - dedi aýdan ákimi Erlan Aıtahanov. Barsha aýdan turǵyndaryn «Altyn kúz-2016» merekesimen quttyqtaǵan aýdan basshysy ozat eńbekkerlerge arnaıy Alǵys hattar men baǵaly syılyqtar tapsyrdy.

http://www.inform.kz/