Elbasynyń «100 naqty qadam» Ult josparynda elge esep berip otyratyn «Ashyq úkimet» qurý tapsyrmasyna sáıkes júzege asyp jatqan «Ashyq ákimdik» jobasy boıynsha jergilikti ákimdikter óńirdiń áleýmettik-ekonomıkalyq damýyna qatysty aqparattardy ashyq derekkózderinde jarıalaýda.

2016  jyldyń 6 aıynda Sozaq aýdanynda jalpy ónim kólemi 3 mlrd. 825 mln teńgeni qurap,  2015 jyldyń esepti kezeńimen salystyrǵanda 110 paıyzǵa artyǵymen oryndalǵan.

Aýdanda mal basynyń barlyq túri boıynsha ósim bar. Atap aıtsaq,  múıizdi iri qara – 26935 bas nemese  103,5%-ǵa, qoı-eshki – 290 841 basqa, jylqy – 11329 basqa nemese 100,7%-ǵa, túıe – 10815 bas 100% -dy qurap qustar sany – 16008 bas bolyp 103,4 %-ǵa ósken.

Ótken 2015 jylmen salystyrǵanda et óndirý – 5672,1 tonna 100,7 %, sút – 7129,8 tonna 102,8 %, jumyrtqa (myń dana) 1364,5 danaǵa nemese 100,4 %-ǵa ósim bar. 

Oblys ákiminiń bastamasymen qabyldanǵan «2014-2016 jyldarǵa arnalǵan mal sharýashylyǵyn damytý baǵdarlamasy» sheńberinde aýdanda aýqymdy jumystar atqarylýda. Atalǵan baǵdarlama sheńberindegi jumystar aýdan sharýalaryn mal bordaqylaýǵa yntalandyryp, keleshekte tabys tabýdyń, qosymsha jumys oryndaryn ashýdyń, birden bir kózine aınalýda. 

Qaraqur aýyl okrýginen «Qaraqur» Ó/K (túıe) jáne (qoı), Sholaqqorǵan aýyl okrýginen «Baǵdat» sh/q (túıe), Qumkent aýyl okrýginen «Qumkent» Ó/K (qoı)  asyl tuqymdy mal sharýashylyqtary bolyp tirkelip, jumys jasaýda.

«Sybaǵa» baǵdarlamasy boıynsha 2016 jyly 42 bas asyl tuqymdy buqalar satyp alynyp – 1148 bas sıyr tuqymdyq túrlendirilýge tartyldy.

«Altyn asyq» baǵdarlamasy boıynsha jospar 69 bas qoshqar satylyp alynyp, 2070 bas tusaq qoılar tuqymdyq túrlendirýge tartyldy, meje 99 paıyz.

«Qulan» baǵdarlamasy boıynsha jospar boıynsha 300 bas bolsa,  14 bas aıǵyr satylyp 210 bas analyq jylqy satyp alynyp meje 70 paıyzǵa oryndaldy.

http://rgmedia.kz/