-Sýdá, bylaı ózi... jaman jigit emes sıaqty, ıá,-dep qoıady "Ańyz adamnyń" sotyna kep júrgenderdiń birazy. Eki jaqty ót-te muqıat tyńdaıdy eken, ádil ekeni kórinip tur. Bul sýdıa bala ótkende: -Sizdi syılaımyz, óleńderińizdi oqımyz, halyq aldyndaǵy abyroıyńyz joǵary,-dep kýáger Muhtar Shahanovty da rıza qyp jibergen. "Eger jeltoqsanda men bolmasam sen búıtip otyra almas ediń, osy ýaqytta qazaqstandyq bop júrer ediń" dep gúrildep turǵan kýáger Muhań da senip qaldy-aý deımin. On shaqty kempir-shaldyń aryzyn bir aı qarap, isti saǵyzdaı sozǵan Áset Beısebaev degen sýdıa búgin túste sot zalyna qara kıiminiń etegi dalaqtap jetip keldi de, amandyq-saýlyq joq, úkimdi oqı sala tura qashty. Elge qaraǵysy kelmedi-aý deımin. Ózi de qara bala edi. Elge túkirý de ońaı emes... Túkirik meniki emes edi deıdi ǵoı keıin endi.