Mádenıet jáne sport mınıstri Arystanbek Muhamedıulyna ózin bopsalady dep shaǵym túsirgen Júrgenov atyndaǵy óner akademıasynyń túlegi Eńlik Sydyqovanyń advokaty Gúlnár Jýaspaeva búgin óziniń tarapyna qysym jasalyp jatqany týraly málimdedi. Bul týraly Azattyq habarlady. Almatyda ótken baspasóz konferensıasynda Jýaspaeva ózine jasalyp jatqan qysymdy Eńlik Sydyqovanyń múddesin qorǵap júrýimen baılanystyrady. Arystanbek Muhamedıuly buǵan deıin Sydyqovanyń taqqan aıyptaryn joqqa shyǵarǵan bolatyn. Sot shaǵymdy aıǵaqtar jetkiliksiz bolǵandyqtan keri qaıtaryp jibergen.
Jýaspaevanyń aıtýyna qaraǵanda, ol advokattar alqasynyń kóshirmesin alǵan. Onda Jýaspaevanyń "advokattyq etıkany buzǵany", "áleýmettik jelilerdegi jazbalarynda ózin durys ustamaıtyny" aıtylǵan. Advokattyń aıtýyna qaraǵanda, búgin advokattar alqasy prezıdıýmynyń shuǵyl jınalysy ótpek. Ol bul jıynda óziniń isin qaraý josparlanyp otyr deıdi.
