Qazaqstan prezıdenti Nursultan Nazarbaevtyń jıeni Aısultan Nazarbaev óziniń facebook áleýmettik jelisindegi paraqshasynda bılik jáne bıliktegi jaǵympazdyq týraly oı qozǵady.
«Menen keıbireýler «aǵa, kóke, búıteıik-sóıteıik, aqyl-keńesińizdi aıtyńyzshy» dep jaǵympazdanǵanymdy qalaıdy. Bizdiń «elıtanyń» ortaǵasyrlyq dáýirge tán oılaý júıesi osyndaı. Alaıda men týǵan atama da ondaı «qarym-qatynas» jasaǵan emespin. Másele menmendikte, bılikke qyzyǵýshylyqta nemese ótirik jetistikte emes. Men jaı ǵana ondaı adam emespin. Men úshin ar menen namys birinshi kezekte, basty ómirlik qundylyq.
Joǵary bıliktegi keı adamdar bútin bir memleket ashsa alaqandarynda, jumsa judyryqtarynda bolǵanyn armandaıdy. Aram pıǵyldylar koalısıa men klanǵa birige otyryp, barlyǵynan qarjylyq paıda tapqysy kelip, eldi artqa súıreıdi. Solardyń kesirinen Qazaqstan damymaı bir ornynda turyp qalady. Bul bizdiń bolashaǵymyzǵa tóngen basty qaýip.
