«Argýmenty ı fakty» gazetinde «Aqyl-esimnen aıyrylmas úshin men eshqashan úılenbeımin. Sherlok Holmstyń ómir súrý erejeleri» degen materıal búgin jaryqqa shyqty. «Qamshy» portaly 1 jeltoqsanda «dúnıege kelgen» ataqty detektıv jaıly materıaldy qazaqshaǵa aýdaryp, oqyrman nazaryna usynady.

1887 jyldyń 1 jeltoqsanynda detektıv Sherlok Holms jaıly  «Qyp-qyzyl reńdegi etúd» degen ataýmen alǵashqy poves oqyrmanǵa jol tartqan bolatyn.

Birinshi pýblıkasıa shyǵysymen-aq Artýr Konan Doıldyń Sherlok Holms atty keıipkeri qyrsyq-qyńyr, birtúrli minezimen oqyrmannyń júregin jaýlap aldy. Sodan beri qansha ýaqyt ótse de Sherlok Holms sánnen keter emes. Ol týraly telehıkaıa da, ekshn-kıno da túsirilip jatyr. Halyq eski tanysyn, súıikti keıipkerin jańa qyrynan tanýdan jalyǵar emes. Al, Sherlok Holms bolsa ózi jaıly bylaı dep aıtyp ketken eken:

Eshkim bilmegen nárseni bilý – meniń mamandyǵym.

Keıde meniń búkil ómirimniń máni sur, qyzyqsyz ómirmen kúres sıaqty.

Men matematıkke uqsaımyn. Sebebi qıyn eseptiń sheshimin tapqannan raqattanamyn. Biraq, sheshimim bireýge qalaı áser etedi, ol týraly bas qatyrmaımyn.

Jalǵyzdyq meni kóp nárseden qorǵaıdy.

Belgili bir is-áreketke qarap áıeldi túsiný óte qıyn. Ózin qarapaıym ustaǵan áıeldiń jasyratyny kóp bolýy múmkin. Jáne abdyrap, asyp-sasyǵan názikjandynyń bar bas aýrýy shashyndaǵy túıregish bolýy ǵajap emes.

Mahabbat degen – emosıonaldy dúnıe. Sol sebepti ol taza, sabyrly aqyl oı-sanaǵa keraǵar. Men bolsam oı-sanasy birinshi qoıamyn. Úılengim kelmeıtini de sondyqtan.

Búkil jerden logıkany izdeýimiz shart. Qaı jerge logıka jetispese, demek bir bylyqtyń bary ras.

Bárin aqshamen kesip-pishetin baılardy jek kóremin.

Bul álemde joǵary bılikte otyrǵan jyndylar ornyn bosatpaıynsha logıkaǵa oryn joq.

Aqyldy men aqymaq daý barysynda birdeı.

Qur bos otyrǵannan qatty sharshaımyn. Al, jumys istegennen lázzat alamyn.

Avtor: Stepan Chaýshán

Aýdarǵan: Jazıra Baıdaly