Google kompanıasy Timelapse «ýaqyt mashınasynyń» fýnksıasyn jańartty. «Google Planeta Zemlá» kartografıalyq servısi retinde 2013 jyly iske qosylǵan bolatyn. Ol ýaqytty artqa qaıtaryp, Jerdiń 1984 jyldan búgingi kúnge deıin qalaı ózgergenin kórsetedi.

Timelapse-ta ınfrastrýktýrlyq jobalardyń (mysaly, San-Fransısko men Oklendti jalǵastyratyn Oklend Beı Brıj kópiriniń qaıta qurylýyn nemese Dýbaıdyń damyǵan qalaǵa aınalǵanyn) Antarktıdadaǵy muzdyqtardyń qozǵalysyn, orman alaby men ózen ańǵarlarynyń damyp, órkendeýiniń qurylystaǵy prosesin baqylaýǵa múmkindik beredi. Sonymen qatar, adamzattyń sharýashylyq qyzmetiniń áserinen 32 jylda planetanyń  qalaı ózgergenin kórsetedi.

«Biz «Google Planeta Zemlá» qozǵaltqyshyn qoldaný arqyly 5 mıllıon spýtnıktik keskindemelerden 3 kvadrıllıon pıkselǵa deıin úlestirdik», – deıdi Google. Jasaýshy mamandar Landsat 8 ben Sentinel-2 spýtnıkteri túsirgen sapalyraq sýretterdi qosty, sondaı-aq, 4 qosymsha jyldardy engizdi. (Buǵan deıin Timelapse-ta 1988 jyldan ary qaraı artqa qaıtýǵa bolmaıtyn).