Qoǵamdyq qor NNEF Qazaqstan-Brıtan tehnıkalyq ýnıversıtetiniń aksıoneri boldy.
2025 jyldyń qyrkúıeginde «NNEF» qoǵamdyq qory Qazaqstan-Brıtan tehnıkalyq ýnıversıtetiniń (KBTÝ) aksıoneri atandy. Qor quryltaıshylarynyń biri – Dınara Qulybaeva. Bul týraly aqparat qarjylyq eseptilik depozıtarııiniń resmı saıtynda jarıalandy.
Buǵan deıin KBTÝ «Qaıtarylǵan aktıvterdi basqarý kompanıasynyń» ıeliginde bolǵan. Aksıonerdiń aýysýy ýnıversıtettiń menshik qurylymynda kezekti ózgeris bolǵanyn kórsetedi.
Sonymen qatar korporatıvtik oqıǵalar týraly ózge esepte KBTÝ ǵımaratynyń memleket menshigine beriletini habarlandy. Qujatta ýnıversıtettiń ákimshilik ǵımaratyn syıǵa tartý sharty arqyly memleketke ótkizý jáne qabyldaý-tapsyrý aktisine qol qoıý kózdelgeni jazylǵan.
«1957 jyly salynǵan, respýblıkalyq mańyzy bar tarıh jáne mádenıet eskertkishi sanalatyn, Almaty qalasy Tóle bı kóshesi, 59 mekenjaıynda ornalasqan KBTÝ ákimshilik ǵımaratyn memleketke berý jáne atalǵan nysan boıynsha senimgerlik basqarý shartyn jasasýdy bastaý», – delingen aksıoner sheshiminde.
Qujattarǵa sáıkes, ǵımaratty paıdalaný ári qaraı senimgerlik basqarý tetigi arqyly júzege asyrylýy múmkin.
