Almaty oblysy men Shyǵys Qazaqstan oblysynyń alty turǵyny Qytaı–Eýropa baǵytyndaǵy halyqaralyq temirjol jelisinde jasalǵan urlyqtar úshin jaýapqa tartyldy. Sot olardy 4 jyl merzimge bas bostandyǵyn shekteý jazasyna kesti.

İshki ister mınıstrliginiń málimetinshe, qylmystar 2024 jyldyń tamyz aıynan 2025 jyldyń sáýir aıyna deıingi kezeńde jasalǵan. Kúdiktiler Qazaqstan aýmaǵynda temirjol konteınerlerin zańsyz ashyp, ishindegi taýarlardy urlaǵan. Urlanǵan ónimderdiń qatarynda balalar arbalary, beınebaqylaý kameralary, avtokólik qosalqy bólshekteri jáne ózge de taýarlar bolǵan.

Kóliktegi polısıa qyzmetkerleri qylmystyq toptyń barlyq múshesin 2025 jyldyń sáýir aıynda ustady. Tergeý barysynda olardyń keminde tórt epızodqa qatysy dáleldendi. Keltirilgen jalpy materıaldyq shyǵyn kólemi 212 mıllıon teńgeden asqan.

Vedomstvo málimetinshe, qylmystyq is aıasynda jábirlenýshi júk ıelerine keltirilgen zalal tolyq kólemde ótelgen.

Sot úkimi zańdy kúshine endi