Ǵalymdar ǵaryshtaǵy áıgili Saqına tumandyǵynyń (Ring Nebula) ishinen temir atomdarynan quralǵan alyp, jolaq tárizdi bultty anyqtady. Ol Plýton orbıtasynan shamamen 500 ese úlken jáne Jerden 2 283 jaryq jyly qashyqtyqta ornalasqan. Muny Ulybrıtanıanyń Kardıff ýnıversıteti men UCL astronomdary jańa WEAVE teleskoptyq quraly arqyly baıqaǵan.

Zertteýshilerdiń aıtýynsha, bul «temir jolaq» ne juldyzdyń ólýi kezinde paıda bolǵan, ne bolmasa juldyz ulǵaıyp joıylǵanda paıda bolǵan tasty ǵalamshardyń qaldyǵy bolýy múmkin. Eger ekinshi boljam rastalsa, bul qubylys Kún birneshe mıllıard jyldan keıin ulǵaıǵanda Jerdi jutyp qoıýy múmkin bolashaqtyń kórinisi bolýy yqtımal.

Ǵalymdar bul temir qurylymnyń naqty qaıdan shyqqanyn jáne basqa elementter bar-joǵyn anyqtaý úshin qosymsha baqylaýlar júrgizbek. Olar mundaı qubylys basqa tumandyqtarda da kezdesýi múmkin dep esepteıdi.