QR Prezıdenti Nursultan Nazarbaev qytaılyq mıllıarderdi Qazaqstanda jumys isteýge shaqyrdy. Bul týraly Táýelsizdik saraıyndaǵy Respýblıkalyq jastar forýmynda Elbasy málim etti, dep habarlaıdy QazAqparat.

"Jaqynda Qytaıdaǵy Gýanchjoýda G20 samıtinde boldym jáne osy sapar barysynda tanymal qytaılyq mıllıarder, Alibaba kompanıasynyń basshysy Djek Mamen kezdestim. Sońǵy kezdesý kezinde onyń aınalysyp jatqan isi jaıynda tyńǵylyqty surastyrdym. Ol óz kezeginde 2 mlrd. tutynýshyǵa qyzmet kórsete alatyn megakompanıa qurýǵa nıetti ekenin aıtty. Sonymen qatar 100 mln. jumys oryndaryn quryp, tabysty kásiporyndarǵa qoldaý jasamaq", - dep toqtaldy Prezıdent. Osy oraıda N. Nazarbaev 17  jyldyń ishinde Djek Ma joqtan bar jasap, mıllıardtaǵan tabysy bar kompanıa qurýǵa qaýqarly bolǵanyn atap ótti. "Iaǵnı barsha álemde elektrondy saýda taraǵan. Sonymen birge sol oryndarda bala kezinen kompútermen aınalysqan 20-dan 30 jas aralyǵyndaǵy jastar otyr. Álemniń kez kelgen núktesinen qalaǵan taýardy jetkizý múmkindigi bar. Osy baǵyttaǵy tabysty jobalar Qazaqstanda enýi úshin jáne mıllıondaǵan bizdiń jastar osy júıede jumys isteýdi, tabys jasaýdy úırenýi turǵysynda ony elimizge shaqyrdym. Meniń oıymsha, bolashaqta bul jospar júzege asatyn bolady", - dedi Memleket basshysy.