Shýaqty Ózbekstan» koalısıasynyń negizin salýshy Sanjar Ýmarov amerıkalyq BAQ-qa suqbat berip, Gúlnár Karımovaǵa tıesili 850 mln dollardy Ózbekstan halqyna úlestirý qajettigin aıtty. Karımovanyń shotyn jyl basynda AQSH Ádilet mınıstri jaýyp tastaǵan bolatyn, dep habarlaıdy Baq.kz

Ýmarovtyń pikirinshe, Ózbekstan basshylyǵy aqshany elde jemqorlyqtan zardap shekkenderge, ıaǵnı tutas halyqqa taratyp berýge kepildik bergen jaǵdaıda ǵana jospar júzege asýy múmkin. Opozısıalyq saıasatker ol úshin Qazaqstannyń «Bota» qory sekildi qor qurýdy usyndy.

centralasian.org agenttiginiń málimetinshe, Sanjar Ýmarov aqshany resmı Tashkentke qaıtarýǵa bolmaıdy dep esepteıdi.

Ózbekstannyń saıası emıgranttar toby Change.org saıtynda AQSH pen birqatar Eýropa elderi bıligin 850 mıllıon dollardy Ózbekstan úkimetine múlde qaıtarmaýǵa shaqyratyn petısıa ashty.

AQSH soty Amerıka men Ózbekstan tarapyna aqshanyń taǵdyryn 2017 jyldyń 1 qańtaryna deıin ózara sheshýge múmkindik berip otyr.