Búgin vesti.ru saıtynda «Melanı Tramptyń balasynyń densaýlyǵyna baılanysty shyndyqqa janaspaıtyn ósek taratqany úshin telejúrgizýshi odan keshirim surady» degen materıal paıda boldy. Máseleniń mán-jaıyna kelsek, ótken jetide O’Donnell (telejúrgizýshi) óziniń mıkroblogynda YouTube-taǵy 10 jasar Berronnyń vıdeosyn sala otyryp, balanyń densaýlyǵynda aqaý bolýy múmkin degen boljam jasaıdy. Onymen qoımaı, ol retvıtinde «Berron Tramp aýtızmge shaldyqqan ba?» degen suraq qoıady.

BAQ-tyń bergen málimeti boıynsha retvıt áleýmettik jeliler arqyly tez taralyp, shýly ósek-aıańǵa sebepshi boldy. Melanı Tramptyń advokaty YouTube qyzmetine Berron jaıly ótirik materıaldy alyp tastaý jóninde hat jiberedi. Almaǵan kúnde sotqa shaǵymdanatyndyqtaryn da eskertti.

Vıdeohostıng vıdeony birden óshirip tastap, Melanı Tramptan keshirim surady. Jalpy vıdeonyń ishinde ótirik áńgime týylýyna sebep bolǵan bir fragmentqa toqtalǵan jón-aý. Ol jerde sharshańqy Berron AQSH prezıdenti atanǵan ákesi Donald Tramptyń qasynda sýretke túsken.