Qazaqstannyń mádenıet jáne sport mınıstri Arystanbek Muhamedıuly Juldyz FM stýdıasynda Beatles tobynyń ánin oryndady, - dep habarlaıdy Tengrinews.kz. Mınıstr áıgili lıverpýldik tórttiktiń Yesterday ánin ol "Na vershıne Tengrı" jobasynyń qatysýshysy Marına Galıskaıa men kompozıtor Artýr Orenbýrgskıımen birge aıtty. 
"Mýzykalyq aspaptar - olar qanattandyrady, qandaıda bir áýendi, klasıkalyq shyǵarmalardy, halyq ánderin oryndaǵanda. Bul qajet nárse. Bul kez-kelgen adamǵa, shabyttanǵan ýaqyttan nemese birdemeni ýaıymdaǵanda jaqsy kómek bolady. Meniń mamandyǵym vıolonchelde oınaý, fortepıanoda, dombyrada oınaımyn, dırejorlyq etemin", - dedi Arystanbek Muhamedıuly, radıoshoýdyń tańǵy efırinde suraqtarǵa jaýap bere otyryp. 

Sonymen qatar, ánniń mýzykasyn jazatynyn aıtty. "Men áýendi jan raqatym úshin, dostaryma jazamyn. Sonymen qatar, qazirgi ýaqytta men fılosofıa men tarıhqa qyzyǵýshylyǵym artyp júr. Aldaǵy ýaqytta bizdiń qoǵamnyń ereksheligi, kózqarasy týraly arnaıy kitap jazý oıymda bar", - dedi mınıstr.