Jasyldar partıasynyń atynan prezıdenttik saılaýǵa túsken Djıll Staın daýystardy qaıta esepteýge qarjy jınaıtyn kompanıa qurmaqshy dep habardaıdy bbc.com. Ótken demalysta daýystardy qaıta esepteýge 6,5 mln dollar jınaldy. AQSH-ta árbir úmitker daýystardy qaıta esepteýdi talap ete alady. Ol úshin oǵan ketetin qarajatty tóleýi kerek.

Staınnyń mundaı bastamany kóterýine, saılaý kezinde daýystardy sanaıtyn mashınany hakerlerdiń buzýy sebep. Qaıta esepteýge Hılları Klınton da qosyldy. Alaıda, onyń jaqtastary Klıntonnyń saılaýdaǵy nátıjesi ózgere qoıatynyna kúmán keltiredi. Sebebi, Donald Tramp Hılları Klıntonnan Vıkonsın, Mıchıgan jáne Pensılvanıada on myńdaǵan daýyspen basym túsken.

Klıntonnyń saılaý shtaby Reseı tarapynan hakerlik buzýdy áshkerleý úshin eki apta jumsaǵan. Alaıda, eshqandaı dálel tappaǵan. Bul jóninde Klıntonnyń saılaý shtabynyń bas zań keńesshisi Mark Elaııas «Medium» saıtynda jazǵan.  

Qylmysty aldyn-alý ortalyǵynyń prezıdenti Djon Lotta National Review jýrnalynda amerıkalyq saılaýǵa arnalǵan mashınalar ǵalamtorǵa qosylmaǵandyqtan, hakerler ony buzýy múmkin emes dep málimdegen.

Mıchıgan men Pensılvanıadaǵy qaıta esepteý áli bastalmady.