Reseıdiń mádenıet mınıstri Vladımır Medınskıı partızan áıel Zoıa Kosmodemánskaıa jáne 28 batyr panfılovshylardy «áýlıelerimiz» dep atady. Onyń sózinshe olarǵa áýlıelerdiń ómirine  qaraǵandaı qaraý kerek eken.  Atalǵan batyrlardyń ómirine kúdikpen qaraǵandar tozaq otynda janatyn bolady dep ýáde berdi mınıstr, dep jazady BBC-diń orys qyzmeti.

KSRO batyry Zoıa Kosmodemánskaıa 1941 jyly 29 qarasha aıynda nemisterdiń qolynan qaza tapqan. Ol jaıly tamasha fılm túsirýge bolady deıdi mınıstr.

«Qatardaǵy jaýynger Raıandy qutqarý» bar da barlaýshy Kosmodemánskaıany qutqarýǵa eshkimniń qulqy joq. Túsinikti tilmen ómir baıanyn aıtatyn «Zoıaǵa degen qushtarlyq» atty kıno túsirýge bolady dep usynys ta tastaǵan.

Rejıser Kım Drýjının men Andreı Shalopa mádenıet mınıstriniń qoldaýymen «28 panfılovshylar» atty kıno túsirgen. Fılmniń tusaýkeseri 16 qarashada ótken. Fılm búdjetiniń – 33 mln rýbli (fılmge jumsalǵan qarjynyń jartysy) kraýdfandıng tásilimen jınalǵan eken

Mınıstr «Zoıa Kosmodemánskaıa jáne batyr-panfılovshylar biz úshin ómirin qıǵan basqa da babalarymyz sıaqty batyrlarymyz»,- dep senedi.  

Mınıstr sondaı-aq, 28 batyr panfılovshylar jaıly tarıh basynan aıaǵyna deıin oıdan shyǵarylsa da «Ol eshkim tıisýge bolmaıtyn qasıetti ańyz» dep basa aıtqan. Al, tısetinder naǵyz ońbaǵan adamdar deıdi