Angela Merkel 9-shi ret HDO tóraǵasy bolyp saılandy dep habarlaıdy bbc.com orys qyzmeti. Germanıa kansleri Angela Merkel deneni tolyq jabatyn áıelder kıimi parandja men nıhab kıýge tyıym salý týraly alǵash pikirin bildirdi.

Essende ótken Hrıstıan-Demokratıalyq odaǵynyń (HDO) sezinde  Merkel mundaı kıimdi zań júzinde barynsha barlyq jerde kıýge tyıym salý kerek. «Bul bizdiki emes» dedi kansler. Onyń sózinshe, Germanıada adamdar bir-birimen tildeskende adamnyń bet júzi ashyq bolý kerek. Bizde eshqashan betin jabý degen bolǵan emes. Sonymen qatar kansler 2015 jyldyń kúzinde bolǵan mıgrasıalyq daǵdarysty qaıta boldyrmaýyn qadaǵalaıtynyn da aıtyp qaldy.  Germanıaǵa 100 myńdaǵan mıgranttar zańsyz kelgen bolatyn. «Bul meniń basty saıası mindetin bolǵan jáne qala bermek. Bul másele boıynsha biz birneshe aı boıy jumys istep kelemiz» dedi ol.  

Budan buryn Merkel musylmandardyń barlyq denesi men betin jabatyn áıelder kıimin ıntegrasıanyń quldyraýy dep aıtqan bolatyn.

Merkel HDO sezinde mektepterde, sot oryndarynda jáne basqa da memlekettik mekemelerde parandja kıýge tyıymdy qoldady. Desek te, qoǵamda parandjaǵa tolyq tyıym salý Germanıa konstıtýsıasyna qaıshy dep sanaıtyndar kóp.

Angela Merkel partıa kóshbasshysy bolyp saılanǵanymen, endigi jyly ótetin parlamenttik saılaýda antımıgranttyq partıamen qyzý tartys kútip tur.

Mıllıonǵa jýyq bosqyndardyń Germanıaǵa pana izdep kelgenderge qoldaý kórsetkende, Merkeldiń reıtıńi edáýir tómendegen edi. Degenmen kansler 2005 jyldan beri halyqtyń qoldaýyne ıe bolyp keledi.