Ol: «Qazaqstan Táýelsizdik aldy dep estigende qýanbaǵan qazaq joq, tymaǵymyzdy aspanǵa laqtyryp edik» deıdi. Ol ǵaryshqa ushqanda da qýanbaǵan qazaq joq. «Qazaqtan da bir ǵaryshker týdy-aý!» degen maqtanysh kernegen júrekter onyń ǵarysh-saparyn ańyzǵa aınaldyrdy, dep habarlaıdy Baq.kz.  Tipti, qazaqtan shyqqan tuńǵysh ǵaryshkerdiń jerge oralýy men Qazaq eliniń táýelsizdik alýyn kosmostyq baılanysqa balaıtyndar da joq emes.

Al ol bolsa 1986 jyly Jeltoqsanda janyn qıǵan, jasyn tókken, jastyǵyn bergen, qajyr-qaıratyn jumsaǵan ul-qyzdarymyzdy, Táýelsizdik jolynda taptalǵan namystar men tógilgen ardy umytýǵa bolmaıdy deıdi.

Qazaqtan shyqqan tuńǵysh ǵaryshker, ushqysh, Keńes Odaǵynyń Batyry (1988), Qazaqstan Respýblıkasynyń Halyq qaharmany (1995), tehnıka ǵylymynyń doktory (1998), profesor (1997), Qorqyt Ata atyndaǵy Qyzylorda memlekettik ýnıversıtetiniń qurmetti profesory Toqtar Ońǵarbaıuly Áýbákirov Qazaqstan halqyn Táýelsizdiktiń 25 jyldyq mereıtoıymen quttyqtady.