rus.azattyq.org saıtynda «BUU arnaıy baıandamashysy Fransıadan Ábilázovtiń ekstradısıalanbaýyn surady» degen materıal jaryq kórgen bolatyn. «Qamshy» portaly materıaldy qazaqshaǵa aýdaryp, oqyrman nazaryna usynady.

BUU-nyń adamǵa zábirlik kórsetý, qanaý máselesi boıynsha arnaıy baıandamashysy Nıls Melser Fransıa bıligin qazaqstandyq eks bankır, oppozısıoner Muhtar Ábilázovti ekstradısıaǵa bermeýge úndedi (Ekstradısıa (fr. extradition – berý, tabystaý) – memlekettiń óz aýmaǵyndaǵy qylmyskerdi qylmystyq jaýaptylyqqa tartý maqsatymen nemese sol adamǵa qatysty shyǵarylǵan shetel sotynyń úkimin oryndaý úshin ony basqa memleketke berýi-avt.). 7 jeltoqsan kúni Melser baıandamasynda azap-qorlyq kórýi múmkin degen memleketke adamdy bermeýimiz kerek dedi.

BTA bankiniń burynǵy basshysy Muhtar Ábilázov Fransıada qamaýda otyrǵanyna úsh jyl boldy. Reseı menen Ýkraına ekonomıkalyq qylmys boıynsha Ábilizovti ekstradısıalamaqshy. Nıls Melserdiń málimetine sáıkes Fransıanyń memlekettik keńesi Ábilázovtiń ekstradısıasy boıynsha sheshimdi búgin qabyldaıdy. BUU baıandamashysynyń oıynsha Ábilázov saıası ómirge belsene aralasqandyqtan, bılikke jaqpaı qalǵandyqtan týǵan jerinde qýǵynǵa ushyrap otyr. Qazaqstandyq túrmege toǵytylmas buryn oǵan qatygezdik qarym-qatynas jasalǵan deıdi Nıls Melser.

Nıls Melser: «Fransıanyń memlekettik keńes ekstradısıa boıynsha oń sheshimdi qabyldasa Ábilázov birneshe kún, tipti birneshe saǵat ishinde Reseıge ekstradısıalanýy múmkin. Sodan keıin Reseı óz kezeginde Ábilázovti Qazaqstanǵa tapsyrýy, Qazaqstanda ol qaıtadan azapqa tartylýy ǵajap emes».

BTA bankiniń burynǵy basshysy 2013 jyldyń jazynda Fransıanyń ońtústiginde qolǵa túsip, temir torǵa otyrǵyzylǵan bolatyn. Ony Qazaqstanda, Ýkraınada, Reseıde úlken masshtabta urlyq jasady degen aıyp taǵylyp otyr. Ábilázov bolsa kináni moıyndamastan taǵylǵan aıyptan saıası astar izdedi.