9 jeltoqsanda Fransıanyń memlekettik keńesi opozısıalyq olıgarh Muhtar Áblázovty  ekstradısıalaý úkiminiń kúshin joıdy.

Al Muhtar Áblázovtyń týystary men tanystary buryńǵy qazaqstandyq olıgarhtyń tutqynnan bosatylǵanyn aıtty dep habarlaıdy tengrinews.kz.

«Facebook» áleýmettik jelisinde Áblázovtyń ápkesi Qarlyǵash Áblázova men Vıktor Hrapýnovtyń uly İlıas Áblázov onyń tolyq bosap shyqqanyn jazǵan. Ápkesi óz paraqshasynda Muhtar Áblázovtyń otbasymen, týystarymen dastarhan basynda otyrǵan sýretin jarıalap, qoldaý bildirgen barsha adamǵa alǵys aıtqan.  

2015 jyldyń qyrkúıek aıynda Fransıanyń premer-mınıstri Manýel Válsom buryńǵy qazaqstandyq bankırdi Reseıge berý týraly úkimge qol qoıǵan. Alaıda, Áblázovtyń qorǵaýshylary appelásıalyq shaǵym túsirip, Fransıanyń memlekettik keńesi Muhtar Áblázovty Reseıge ekstradısıalaý týraly úkimniń kúshin joıý týraly sheshim qabyldaǵan.

Memlekettik májilistiń baıandamasynda «M.Áblázovtyń ekstradısıalanýyn suratýynyń astarynda saıası maqsat jatyr dep oılaýǵa tolyq negiz bar. Onyń jaǵdaıy kúrt nasharlaýy múmkin» dep aıtylǵan bolatyn.

AFP agenttigi málimdegendeı, Memlekettik keńes buǵan deıin ekstradısıalaý týraly sheshimdi tek bir ǵana márte joıǵan. Ol ıspandyq oppozısıoner edi. Ony Franko eliniń úkimeti suratqan bolatyn.

BTA Banktiń buryńǵy basshysy Muhtar Áblázov 2013 jyldyń shilde aıynda  Fransıada ustalǵan. Sodan beri Flýrı-Merojı túrmesinde jatqan. Oǵan birneshe aıyp taǵyldy. Onyń ishinde alaıaqtyq, jalǵan qujat jasaý, óz qymetin asyra paıdalaný. Onyń shyǵyn sommasy birneshe mıllıard dollarǵa baǵalanǵan.

Áblázov – Qazaqstan, Reseı  jáne Ýkraınada qylmystyq tekserýdegi adam. Alaıda, onyń ekstradısıalanýyna tek Reseı men Ýkraına ǵana talpynyp júr. Sebebi, Astana Parıjben ekstradısıalaý jóninde kelisimge otyrmaǵan.

Áblázovqa qarsy qylmystyq is 2009 jyly qozǵaldy. Osydan keıin Qazaqstannan Ulybrıtanıaǵa qashyp ketken. Atalmysh elden de ketýge májbúr bolǵan.