Munaıdy urlaýmen aınalysqan eki azamat tutqyndaldy dep habarlaıdy tengrinews.kz
«2016 jyldyń 9 jeltoqsanynda Aqtóbeniń №2 sotyna Baýyrjan Batyrov pen Nurlan Kazkenovty qamaýǵa alý týraly ótinish tústi. Olar Aqtóbe qalasynda munaı men munaı ónimderin urlaý jáne zańsyz aınalymǵa salýmen aınalysqan qylmystyq topty quryqtaý maqsatynda ótkizilgen arnaıy operasıa kezinde ustaldy. Batyrov pen Qazkenov QR Qylmystyq kodeksiniń 197 baby 4 bólimi 1,2 pýnkteri boıynsha, sonymen qatar «Munaı men munaı ónimderin alý, tasymaldaý, iske asyrý, saqtaý jáne munaıdyń óndirilgen jerin zańdy túrde kórsetetin qujatsyz óńdeý», «Qylmystyq topty quryp ony basqarý, qylmysty isteýmen para-par» degen aıyptar taǵylyp otyr. 2016 jyldyń 9 jeltoqsanynda shyqqan sottyń úkimimen ótinish qanaǵattandyryldy. Batyrov pen Kazkenovty 2 aıǵa qamaý týraly sheshim qabyldandy» dep habarlady Aqtóbe oblystyq sotynyń baspasóz máslıhaty.
"Dıapazon" málimetinshe, kúdiktiler munaıdy ony tasý quraldarymen tasymaldaǵan. Olardyń biri jumyssyz, ekinshisi taksı júrgizýshisi. Kúdiktiler, otbasy, balalary men turǵylyqty jeri bolǵandyqtan qamaýǵa almaýlaryn suraǵan. Nurlan Kazkenovtyń 5 balasy bolsa, Baýyrjan Batyrovtyń 3 balasy bar. Sońǵysynyń estý qabileti tómen.
7 jeltoqsanda UQK men jemqorlyqqa qarsy is-qımyl Ulttyq búrosy jáne İİM birlesip arnaıy operasıa ótkizgen. Munaı men munaı ónimderin urlaý jáne ony zańsyz qaıta óndirýmen aınalysatyn qylmystyq top quryqtalǵan. Keıinirek Almaty qalasynda da qylmystyq toptyń sybaılastaryn izdeý úshin arnaıy operasıa jasalǵany habarlandy. «Tórt aǵaıyndy» tobynyń kóshbasshysy Erkin İzbasarov pen onyń oqqaǵary jáne 4 júrgizýshisi tutqyndaldy. İs materıalyna sáıkes, ol «qara altyndy» urlaýdyń kúrdeli kestesin jasap shyǵarǵan. Sol arqyly qaltasyn qalyńdatty. Buǵan radıkaldy salafızmdi ustanýshylar kómektesken.
8 jeltoqsanda Erkin İzbasarov Aqtóbe qalasyna tergeýge jetkizilgen. Múgedekter arbasyna tanylǵan 50 jasar er adam, kómekshilerimen arnaıy reıspen Aqtóbege ushyp kelgen. Barlyǵyn birden tergeýge alyp ketti.
