Qytaıdyń beldi ekonomıseri jaqyn ýaqytta tipti, jyldyń aıaǵyna deıin ıýán 10 paıyzǵa quldyraıdy dep boljap otyr dep habarlaıdy tengrinews.kz

Bul ıýanniń  1994 jyldan bergi rekordty quldyraýy bolýy yqtımal. Iýanniń devalvasıasy Qazaqstanǵa qalaı áser etýi múmkin ekenin qazaqstandyq sarapshylar aıtyp berdi.

Ǵalym Husaınov, BRB INVEST Bas dırektory: «Qytaıda sáıkessizdikter kóbeıip ketti. Olardy qalaı da sheshý kerek. Óıtkeni eksport tómendep barady. Al jumys kúshi básekelestikke tótep bere almaıdy. Máselen, Qazaqstandaǵy jumys kúshi Qytaımen salystyrǵanda álde qaıda arzan. Jalǵyz ǵana jol - valútany qunsyzdandyrý. Ol Qazaqstanǵa tikeleı áser etpeıdi. Sebebi biz Qytaımen básekeles emespiz. Kerisinshe Qytaıdan ımporttalatyn taýarlar arzandaıdy».

Anna Bodrova, «Alparı» sarapshysy: «Iýanniń devalvasıasy Qazaqstannyń ımport baǵasyna 6-7 aıdan keıin áser etedi. Qytaı taýary birden arzandaıdy dep oılaýdyń qajeti joq. Qytaı ónimderiniń básekege qabilettiligi joǵary ekenin umytpaǵan jón».  

Budan buryn ıýán AQSH dollaryna qaraǵanda 4% arzandaǵany habarlanǵan.