Pavlodar oblysynda 8 avtokólik soqtyǵysyp qaldy dep habarlaıdy news.mail.ru.

Pavlodar-Omsk tas jolynda, Qyzyltań aýylyna jaqyn mańda  iri jol kólik apaty boldy. Aqparatqa sáıkes, jol apaty - qolaısyz aýa-raıy men janarmaı tasymaldaıtyn kóliktiń jolda turyp qalýynan bolǵan. Oǵan úsh júk kóligi, eki GAZel jáne úsh jeńil kólik soqtyǵysqan.   

Jol kólik apatynda 28 ben 33 jastaǵy eki er adam Pavlodardyń aýrýhanasyna jetkizildi. Oblystyq densaýlyq saqtaý basqarmasynda, eki er azamattyń biri jan saqtaý bóliminde jatyr. Dárigerler hali múshkil ekenin aıtady. Ekinshisi travmatologıa bólimine jetkizildi.  

Aımaqtyq tótensha jaǵdaılar departamentiniń bergen aqparatyna sáıkes, oqıǵa ornynda 16 kólikten turatyn keptelis bolǵan. Kýágerlerdiń aıtýynsha, kepteliske eki qoǵamdyq kólik turyp qalǵan. Qazirgi tańda apat orny tazartyldy.

Pavlodar turǵyndaryna  daýyldy aýa-raıy týraly eskertildi. «Qazgıdromettiń»  habarlaýynsha, 11 men 13 jeltoqsan aralyǵynda jaýyn-shashyn, jel, kóktaıǵaq bolady dep kútilýde.