Qazaq aıtysynyń qara nary, aqyn, qoǵam qaıratkeri Júrsin Erman aýrýhana tústi. Bul týraly aqynnyń ózi Facebook-tegi jeke paraqshasynda jazdy, dep habarlaıdy Vaq.kz.

«Aýrýxanada jatyrmyn. Bitelip qalǵan qan tamyrlaryma ota jasamaqshy. Osydan aman shyqsam, bir josparym bar:
Altyn dombyra týraly ártúrli áńgime aıtyldy ǵoı. Anyǵy Allaǵa aıan. Bolatbek pen Muxtardyń arasynda ýaqyty shekteýsiz jekpe-jek aıtys ótkizgim keledi. Tikeleı efırde», - dep jazdy J.Erman.

«Kórsetilimdi qaı telearna moınyna ala alady? Demeýshi bolǵysy keletinder bar ma? Tórelikti xalyq jasasa qaıter edi? Qandaı jolmen? Aqyl qosyńdar. Pikir aıtyńdar. Syrttan synaı berý ońaı ǵoı. İshinde bolyńdar. Ult ónerine shyn janashyr bolsańdar, sońynan judyryq bilep árkimdi ǵaıbattaǵansha, qazir kómekke kelińder.

Jobany júzege asyrý úshin men ólip qalmaýym kerek, duǵalaryńa qosa júrińizdershi», - dep túıindedi ol.

Esterińizge sala keteıik, Almatyda el Táýelsizdiginiń 25 jyldyǵyna arnalǵan «Altyn dombyra-2016» respýblıkalyq aqyndar aıtysynda Syr óńiriniń aqyny Muhtar Nıazov ekinshi ret jeńimpaz atandy.