Ystambuldaǵy Vodafone Arena mańyndaǵy qos joıqyn jarylystan qaza tapqandar sany artty dep habarlaıdy baq.kz.

Ystambuldaǵy jarylystardan qaza tapqandar sany 38 adamǵa jetti

Túrkıada eki birdeı jarylystan keıin ulttyq aza tutý kúni jarıalandy. Osyǵan baılanysty eldegi barlyq memlekettik mekemelerdegi týlar tómen túsirilgen.

Esterińizge sala keteıik, jarylystar «Vodafon Arena» stadıonynda bolǵan edi. Sońǵy málimet boıynsha, lańkestik áreketten qaza tapqandar sany 38 adamǵa jetti. Júzden astamy jaralandy. Qurbandardyń kóbi polısıa qyzmetkeri.

Bılik 13 kúdiktini qamaýǵa alǵan. Prezıdent Rejep Taıyp Erdoǵan marqum bolǵandardyń otbasylaryna kóńil aıtyp, «Túrkıa ekstremıstik uıymdarmen kúresti jalǵastyra beredi» dep málimdedi.

Aldyn ala málimet boıynsha, zardap shekkender arasynda Qazaqstan azamattary joq.