«Pýstgovorát» tok-shoýyna qonaq retinde shaqyrylǵan Reseıdiń ataqty telejúrgizýshi Sergeı Belogolovsev Reseı medısınasy týraly aıta otyryp kóp nárseniń basyn ashty.

«Aýrý balalarymyzdy Qytaıǵa baryp emdeımiz. Nege? Qytaıda erekshe bir nárse bar dep oılaısyz ba? Joq. Ózimizde de emdeýge bolatyn edi. Biraq nıet joq, qulyq joq. Reseıde bir jyl boıy kıno túsirmeı, fýtbolısterge mıllıondap aqsha tólemeı, eshqandaı qurylys nysanyn salmaı, qysqasy, bárin-bárin toqtatyp tastaý qajet. Barlyq aqshany, barlyq energıany naýqas balalarǵa jumsaýymyz kerek. «Uly Reseı eli» dep júrek tusymyzǵa qolymyzdy qoıyp, ánuran shyrqaǵannan ne paıda? Orys bolǵanyma uıalamyn! Maǵan «orystyń jany» týraly áńgimeni de aıtpaı-aq qoıyńyzdar! Orystyń jany buryn saırap turǵan shyǵar, qazir orystyń jany qur bos keýde! Reseı eli búkil planetanyń masqarasy. Ótirik jaǵympazdanýdyń, ótirik kólgirsýdiń, tyrashtanýdyń túk qajeti joq. Biz kómekke muqtaj búldirshinderin emdeı almaı júrgen bısharamyz. Amerıka bolsa, shynymen de uly el. Arbaǵa tańylǵan adamǵa qarap amerıkandyqtyń kúlgen rıasyz kúlkisinde eshqandaı músirkeý, eshqandaı ótirik baıqamaısyz. Sebebi ol jaqta múgedek adam o basta qoǵamnyń aınymas bólshegi. Onyń jaǵdaıy jasalǵan, turmysy rettelgen, ol óz quqyǵyn biledi. Reseıde arbadaǵy jarymjan adamǵa qarap nesine qýanasyń?»