Erasyl Áýbákirovtiń ólimi jaıly oqıǵa ǵalamtordy taǵy shýlatty. Bul joly jelige onyń júksalǵyshta jatqan máıitin alǵash ańǵarǵan sát tarap ketken. Bul vıdeo qaladaǵy kólik jýý beketteriniń biriniń baqylaý kamerasyna jazylyp qalǵan dep habarlaıdy baq.kz.
Jas jigittiń máıiti Aıan Meıirbaevtyń ápkesi Aıymnyń kóliginiń ishinde jatqan. Tergeý málimetterine sáıkes, kelinshek sol sátte kóliginde «qorqynyshty júk» jatqanyn áste bilmegen. Eshteńeni sezbesten inisinen Lexus LX570 kóligin alǵan kúıi kólik jýý beketine aıaldaǵan.
Vıdeodan baıqaǵanymyzdaı, kólik jýýshy artqy júk salǵyshta jatqan máıitti kórip, qatty shoshyp ketedi. Aıymnyń da esi shyqqany sonshalyq, kólikke qaıta otyrýǵa murshasy kelmeı, kólik jýatyn orynnan jıpti máıitti tapqan jigit aıdap shyǵarady.
Árıne, vıdeony kórip, qandy qylmysty ańǵarsa da únsiz qalǵan kólik jýýshynyń áreketi tańǵaldyrady. Nege quqyq qorǵaý organdaryna habar bermedi eken degen suraq týyndaıdy.
Aıta ketý kerek, Aıym Meıirbaeva qaıtys bolǵan stýdenttiń máıitin qala syrtyna shyǵaryp tastaǵany úshin jaýapkershilikke tartylǵan joq. Al máıitti kómýge kómektesken eki azamatqa qatysty tergeý isi áli jalǵasyp jatyr.
