Qytaıdyń Respýblıkalyq «balalar áýeni» telejobasynda 13 jastaǵy qandasymyz Danıar Tolqynuly "Atameken-aı" ánin oryndap, qytaılyq kórermenderdi aýzyna qaratty dep habarlaıdy www.inform.kz.

 Danıar jobanyń ekinshi aınalymyna óziniń ustazy, belgili ánshi Araı Aıdarhannyń daıyndaýymen Janbota Tuıaqbaevtyń  "Atameken-aı" ánin alyp kelgen bolatyn. Ándi joǵary deńgeıde oryndaǵan bala kórermenderdiń ystyq yqylasyna bólendi.  

Búginde baıqaýdyń beınejazbasy Qytaıdyń Tyń Shún (teng xun 腾讯 ) vıdeoportalyna júktelip, jurttyń qyzý talqysyna túsýde. Kópsandy jeli qoldanýshylary balanyń ónerine súısinip, aldaǵy jolyna sáttilik tileýde.  Al, keıbiri Danıardy qytaı bala dep shatastyryp,  «Atameken-aı» ánin oryndaýǵa qyzǵanysh bildirgen. 

 «Balalar áýeni» - bul ónerli balalarǵa arnalǵan búkilqytaılyq telejoba. Onda arnaıy irikteýden ótken ánshi balalar, kásibı juldyzdy tálimgerlermen birge daıyndalyp,  komandaǵa bólinip baqtaryn synaıdy. Sol arqyly mýzykalyq bilimin, tájirıbesin shyńdap, ári qaraıǵy óner jolyna qanat qaǵady. Aıta keteıik, "Atameken-aı" áni QR Halyq artısy Roza Rymbaevanyń oryndaýy arqyly keńinen taraldy. Áýenin Janbota Tuıaqbaev, sózin Shómishbaı Sarıev jazǵan.