Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasynda memlekettik tildi úıretý úderisine jańa aqparattyq tehnologıalardy engizý qajettigi basa kórsetilgen bolatyn. «Til álemi» portalynyń «Atau.kz» onomastıkalyq, «Emle.kz» orfografıalyq, «Termincom.kz» termınologıalyq saıtynyń iske qosylýy ınternet keńistigindegi tildik kontenttiń kóbeıýine, memlekettik tildi qashyqtan úırenýshiler qatarynyń ósýine múmkindik jasaıdy.
«Til álemi» portaly tildiń áleýmettik, qoǵamdyq qubylys retindegi qyzmetin meılinshe tolyq qamtıdy. Portaldyń mazmuny qoǵamdaǵy tildik suranystarǵa oraı 1)Tuǵyr; 2)Aqparat; 3)Ádis; 4)Til raıy; 5)Tartý; 6)Tolǵanys; 7) Orta taqyrybyndaǵy 7 blokqa toptastyryldy.
«Tuǵyr» blogy «Basqy bet» qyzmetin atqarady. Munda portaldyń qurylym ataýlary, basqa saıttarǵa siltemeler ornalastyrylǵan. Til jańalyqtary, Mınıstrlik, Komıtet tarapynan júrgizilip jatqan jumystar jóninde habarlar «Aqparat» blogynda berilse, «Ádis» blogynda qazaq, orys jáne aǵylshyn tilderin oqytýǵa arnalǵan ádistemelik eńbekter ornalastyryldy. Bloktyń «Ǵalymnan keńes», «Ádiskerge kómek» modýlderi arqyly árbir qoldanýshy jalpy tilge jáne til úırenýge qatysty kásibı, ǵylymı, ádistemelik kómek alady.
«Tartý» blogynan Komıtettiń tapsyrysy boıynsha shyǵarylyp jatqan baspa ónimderiniń jáne «Til jáne qoǵam», «Týǵan til» álmanahtarynyń, «Balapan álemi» jýrnalynyń, «Onomastıkalyq habarshy», «Termınologıalyq habarshy» búlletenderiniń elektrondy nusqalaryn da oqýǵa bolady.
«Til raıy» blogy memlekettik tilde jarnama mátinderindegi qatelerge, tele jáne radıo tilshileriniń sóz qoldanysyndaǵy olqylyqtarǵa nazar aýdaryp, olardy túzetýge, tildik normalardy saqtaýǵa baǵyttalǵan.
Al «Tolǵanys» blogynda memlekettik til taqyrybyndaǵy ǵylymı, ǵylymı-kópshilik, pýblısısıkalyq maqalalar, portaldy qoldanýshylar tarapynan usynylatyn oı-pikirler, usynystar oryn alsa, «Orta» blogynda portal týraly aqparat, baılanys, mekenjaı kartasy, negizgi bloktarda kórsetilgen jobalarǵa tikeleı kirýge múmkindik alý úshin taqyryptyq anımasıalyq qıyndylar ornalastyrylǵan.
«Termincom.kz» elektrondyq saıty «Bekitilgen termınder», «Termınder hronologıasy», «Qoldanystaǵy salalyq termınder», «Oıtalqy», «Quqyqtyq-normatıvtik baza», «Ǵylymı-ádictemelik negizder» jáne «İzdeý» bloktarynan turady. «Bekitilgen termınder» blogynda Respýblıkalyq termınologıalyq komısıasynda maquldanǵan termınder ornalastyrylsa, «Termınder hronologıasynda» termınderdiń bekitilý merzimderi jáne olardyń sózdik retinde jaryq kórýinen málimetter beriledi. «Qoldanystaǵy salalyq termınder» blogynda Respýblıkalyq termınologıa komısıasynyń maquldaýymen jaryq kórgen termınologıalyq sózdikter salyndy. «Oıtalqy» aıdarynda bekitýge usynylatyn termınderge qatysty árbir oqyrman óz oı-pikirin qaldyra alady. «Ǵylymı-ádistemelik negizder» blogynda termınjasam máselelerine qatysty eńbekter usynylyp otyr.
«Atau.kz» onomastıkalyq elektrondyq saıty «Quqyqtyq-normatıvtik baza», «Ǵylymı-tájirıbelik negizder» jáne «İzdeý» bloktarynan turady. «Quqyqtyq-normatıvtik bazada» salaǵa qatysty quqyqtyq negizdegi qujattar toptastyrylǵan. «Ǵylymı-tájirıbelik negizderi» blogynda onomastıkalyq ataýlardyń tarıhy, etımologıasy, jasalý erekshelikteri týraly tanymdyq sıpattaǵy ǵylymı jáne ǵylymı-kópshilik, anyqtamalyq ádebıetter men maqalalar usynylady. «İzdeý» blogy arqyly atalǵan qordy paıdalanýshy ózine qajetti onomastıkalyq aqparatty terip, suranysyn qanaǵattandyrady.
«Emle.kz» saıty qazaqsha durys jazý, sózdi durys aıtý, jurtshylyqtyń til mádenıetin kóterý maqsatynda quryldy. Saıttyń «Ádebı til normalary» blogynda sóz sazy, onyń kórkem ádebıet pen ómirdegi mańyzy, erejeleri men qaǵıdalary berilse, «Orfografıa» blogynda sózderdiń durys jazylý erejeleri beriledi. Sondaı-aq kirme sózder men termındik mánge ıe sózderdiń burynǵy jáne qazirgi jazylý barysyndaǵy aıyrmashylyqtary salystyrmaly túrde kórsetiledi. «Pýnktýasıa» blogynda tynys belgilerdiń qoıylý retine baılanysty erejeler engizilse, «Abrevıatýra» blogynda qysqarǵan sózder, olardyń tolyq ataýlary, qysqarylý reti, ataýlar men sózderdi qysqartý barysynda basshylyqqa alynatyn qaǵıdalar men súıenetin zańdylyqtar keltiriledi. «Maqalalar» blogynda ǵalymdardyń osy sala negizinde jazylǵan ǵylymı maqalalary beriledi. Árbir maqaladan keıin pikir qaldyratyn oryn bolady. Sol arqyly oqyrman avtordyń ózine, maqalasyna qatysty suraqtar qoıyp, jaýap alady. Oqyrman onlaın rejıminde orfografıaǵa qatysty týyndaǵan suraqtaryn qoıa alady. Árbir qoıylǵan suraqqa bilikti mamandardyń kómegimen tolyqqandy jaýap beriledi.
Bul jobalardyń iske qosylýy memlekettik tildiń qoldanylý aıasyn keńeıtýge, til úıretýdiń tıimdi ádisterin taratýǵa qolaıly jaǵdaı jasaıdy. Portal men saıtty tutynýshy til biliminiń kez kelgen salasy boıynsha týyndaǵan suraqtaryna jaýap alý múmkindigine ıe bolady. Til máselesine qatysty ǵylymı eńbekter men maqalalardyń, sırek kezdesetin kórkem jáne ádistemelik ádebıetterdiń qol jetimdiligi, keı tartysty saýaldarǵa mamandar tarapynan berilgen tolyqqandy jaýap azamattardyń til mádenıetin kóterip, tildik saýattylyǵyn arttyrary sózsiz.
