QR Ulttyq akademıalyq kitaphanasynda «Nartulǵa» atty jańa kitaptyń tusaýy kesildi. Kitapqa Elbasy Nursultan Nazarbaevtyń Qazaqstan táýelsizdigin tuǵyrly etý, qoǵamdaǵy turaqtylyqty saqtaý, Qazaqstandaǵy jáne álemdegi qaýipsizdikti qamtamasyz etý turǵysyndaǵy batyl bastamalary men biregeı ıdeıalary arqaý bolǵan, - dep habarlaıdy BAQ.kz.

Týyndy avtory Qaırat Bısembaev Ult lıderiniń atom qarýynan bas tartý, álemdik dinbasylardyń basyn qosý, Qazaqstan halqy Assambleıasyn qurý jáne Astanany Arqaǵa kóshirý sekildi taǵdyrly sheshimderine tereń úńile otyryp, onyń qaıratkerlik, kóshbasshylyq qasıetterin túrli qyrynan asha túsedi.

Bul rette avtor Qazaqstan Prezıdenti jaıyndaǵy óz oıyn álemniń asa kórnekti saıası kóshbasshylarynyń pikirlerimen kómkerip, qyzyqty etip jetkizedi.

Sondaı-aq, tórt taraýdan turatyn kitaptiń tili qarapaıym, mazmuny tarıhı derekter men estelikterge baı.

«Biz Táýelsizdiktiń alǵashqy jyldaryndaǵy qıynshylyqty da, sol bir kezeńnen jas memleketti Prezıdentimizdiń qandaı qajyr-qaıratpen alyp shyqqanyn da, elimizdiń jańa ǵasyrda jańa belesterge qalaı qanat qaqqanyn da kórdik. Búginde sonyń bárin oı eleginen ótkize otyryp, Nursultan Nazarbaevtyń eńbegine ishteı qaıran qalamyn. Sol sezim qolyma qalam alyp, meni osy kitapty jazýǵa jeteledi» – deıdi kitap avtory.

Shara barysynda kitaptyń mazmuny keńinen ashylyp, shyǵarma týraly memleket jáne qoǵam qaıratkerleri pikir bildirdi.